fin des multiplex le samedi au soir
par minloute le, 07/05/2018Ch'est officiel, le multiplex de football , le samedi au soir , cha sera de l histoire ancienne à partir de 2020
la faute à qui , la faute à la ligue de football, qui saucissonne cor plus le bouquet de retransmissions, tout cha pour gagner cor plus d argent
ch' est pas le multiplex télé que j a pinsé tout d' suite, nan j a pinsé au multiplex radio que je suivo tout tchiot grace à un super bio cadeau de la Noël ,,,
j avo eu un tchiot transistor de marque Optalix, livré avec eune dragonne s il vous plait ,,,,,,
2 grands momints que j avo ker suiffe, chéto le hit parate rtl avec André Torrent et le multiplex de foot du samedi au soir
j a oublié d ' vous dire que grace à la documentation qu in peut trouver sur internet, le transistor que j avo chéto le modele to 102
que plaiji et que magie, avec chte tout tchiot appareil, i éto aussi puissant qu in plus gros appareil ,,,
multiplex nan, in parlo tout simplemint de la journée d' foot ,,,,,
j' me souviens l avoir suivi sur différentes chaines de radio, quequ' fo avec Jacques Vendroux, d autes fos avec Pierre Loctin, ché plus anciens s' souviennent cor d' li ,,,
j avo ker suiffe cha , pasque dans les années 70 75 , té pouvo et' sur que le reporter qui comminto un match à domicile, chéto le « régional de l étape »
y éto tout au moins chauvin ,,,, et meme quequ' fo de mauvaise foi,,,
j' me souviens d' min frère i avo pas ker acouter Jean Crinon quand qui comminto un match, min frère i dijo « ah y a qu' V A , dins s' bouque » V A chéto Valenciennes Anzin ,,,
plus tard i supporto grinmint Lille, à c' qui dijo toudis min frère, i rajouto meme « et Lens , t in parles pas d' Lens?, ah ch est pas tin VA »
j' su pas sur non pu qu' min frère éto forchémint aussi impartial ,,,
j avo ker quand ché reporters i prennotent l antenne, beaucoup en fait étotent plutot des journalistes de l écrit , correspondant de la voix du nord, de ouest france etc , et i étotent loin d' tous d' savoir commint interesser ché gins à la rencontre
i n avo qui parlotent d' la température qui faijo, qui zavottent frod , du ginre, faudro que ch'match i s' termine vite fait pour pouvoir rintrer as' mason ,,,
et yen avo chéto pas les meilleux pour raconter c' qui s' passo sul' terrain SAUF SAUF quand qui yavo un but pour leur équipe , là , quitte à couper la parole d un d' leurs confrères alors à l antenne in hurlant buuttttttttttttttttttt, presque comme ché brésiliens ,,,,,
j' me souviens de stades au nom improbape , comme le stade robert diochon, avec léquipe des diables rouges, tout cha chéto le fc rouen ,,,,,, le stade marcel picot à nancy ,,,,,
le nimes olympique , et ses « crocodiles » chéto l' surnom des jueux ,,,,,,
le red star et s' n étoile rouge ,,,,,,, les aiglons de nice ,,,,,,
au soir, in pouvo aller s' couquer tranquille, la journée ale éto terminée , tous ché matchs avotent été jués, in avo l' classement , un point ché toutes ,,,,
eune autre époque ,,,,