y a que 50 ans
par minloute le, 11/08/2018in avo que deux chaines d' télé, avec des spiquerines qui présentotent ché programmes ..... artransmis en noir et blanc
in éto impressionné par la musique qui annonço eune retransmission en eurovision , imaginez mes gins , en eurovision ......
in acato cor l' journal tous les jurs, certains déchindottent en ville , lire ché pages du journal qui étotent exposées dins la vitrine d l agence d' la voix du nord...
ché mamans allotent cor faire ché courses al' boucherie, à l épicerie, les grands magasins comminchotent à peine as' développer hors ché grantes aglomérations .......
pour téléphoner, fallo déchinte en ville , à la poste ......
in utiliso cor grinmint ch' papier à lettes.....
pour garder eune preuffe de c'qu in avo invoyé , in metto eune feule d' papier carbonne bleue in d' sous .........
in porto cor des montres qui fallo armonter avec ch' pitit bouton à droite .........
l auto radio dins ché carettes, chéto un luxe .......
in connaicho les derniers temps des lessiveusses qu in faijo cauffer sur ché fourneaux .....
parel pour ché garde mangers grillagés, qu in trouvo al' caffe , rimplachés par ché frigidaires .....
le formica i trono partout dins ché cuisines .......
Paris chéto eune aventure d y aller en qu'min d' fer ....
aller à Lens quand que t habito Bruay , chto djà toute eune histoire en bus .......
in mingeo des tartines avec eune barre d' chocolat d' dins, au momint du gouter .....
ché parints i faijotent cor l' biere eux memes ....
in pouvo finquer partout .......
l' visqui chéto eune boisson d' américains, nous in avo l' ricard, le dubonnet, la suze, le banyuls ......
in avo tous des bouteles d' digestif al' mason pour la fin des repas d'famile ......
in faijo queques photos, qui fallo après apporter ché péliculles à ch' photographe et attinte eune paire d' jours pour avoir ch' résultat
le marché du vendredi chéto eune institution .....
ché rues du centre ville grouillotent d' monte au momint des vagances d' la noel .....
in déchindo régulier'mint en ville pour y faire des achats
in apporto s' montre à réparer chez l horloger ......
ché rues des corons étotent bin animées, yavo toudis du monte dins ché gardins ....
chaque midi in intindo toutes ché sirénes qui annoncotent la débauche ........
in prenno s'n éssence dans les premieres stations service, mais in s' faijo cor servir bin souvint ...
la napoule chéto l'imache qu in s' faijo du paradis lointain .....
ins parlo cor entre voisins .......
yavo plusieurs messes l' samedi et l' diminche pour contenter tous ché fidèles ...
in faijo (presque) tous s' communion ......
à l école in acouto bin ch' maite, qui nous raconto l histoire et la géographie de la france, sans parler d' la leçon de morale quotidienne à laquelle in avo droit ...
des exempes comme cha , in n ' a tous , dire qu asteure ché miux ou moins bien, ch'eto pas l' but d' la démarche, ch'est des' dire qu en 50 ans tout a bien cangé ...
in pourro meme dire qu en moins d' 20 ans grinmint d' chosses ont cangé, surtout avec l arrivée d internet ......
quand que j' raconte à ché zéfants not' infance, in passe déjà pour des dinosaures ...
Minloute i nous dit que ché jones ont dû mal à nous croire quand on raconte nos souvenirs de jeunesse et que tout s'est accéléré;;;
ché vrai qu'on est passé du moyen âge au 21è siècle in très peu d'temps;;;;
et tellement vite que l'aute jour j'passo l'après-midi avec des gins qui n'ont QUE 58 ans...
Eh bin, sur certaines choses que je leur raconto, i équarquillotent leur yeux et i m'disotent que i n'avotent pas connu les trucs dont j'parlo....
Donc el société elle s'est vraimint accélérée en moins de 12 ans.
j'ai connu jone des gens qui se déplaçaient avec la petite charrette et le cheval
mon grand père rue Raymond Deruy avait des amis à Diéval et quand ils venaient le dimanche c'était avec la petite charrette et ils n'étaient pas les seuls
le charbon livré aux mineurs se faisait avec le tombereau et le cheval
Mézier le marchand de grain passait dans les corons avec un chariot tiré par un cheval
dans la rue Raymond Deruy (rue d'Anzin à l'époque) on pouvait jouer au foot ball on était pas dérangé par les voitures, je parle de ça il y a 70 ans