fin d' drache, lachez les fauves 1
par minloute le, 25/08/2018j' vous dresse ichi l' tableau....
Merlimont Plage .... fin des années 60....
ch'est pas exceptionnel, mais cha fait quat' jours qui drache sans s arreter ...
ch'est eune expédition d aller querre ch' pain et surtout del' ramener sans qui so mouillé .....
flaques d iaux su ché trottoirs.....vint d' fou que meme ché maites nageux i zont pas pris la peine d' mette eune couleur d' drapiau .....
ch' mat i a pas eu dro aux couleurs , l' câble qui permet d' monter et d' déchinte le pavillon , i claque such' mat .....
alors dins ché villas, in a sorti l' plan b......
in a arsorti des armoires l' fameusse valise à jeux, (jeu d' bidets d un coté, jeu de l oie d' l aute, et à l intérieur un jeu d' nain jaune et un damier).......
mais à forche d' juer ché bidets i sont mates...... l oie an' a marre d' querre au fin fond d' la case 58 , synonyme d' prison ........
in a jué alors avec ché soldats in plastique, mais même .....
in a comminché à souffler plus que d habitute, quo que, in s' méfio quand même, in pouvo marquer s' n impatience du fait qu in éto bloqué à l intérieur ...
fallo faire quand même attention d' pas dire "j' sais pas quoi faire" ...
vu qu àch' momint là, ché parents i zavotent la réponse toute prête , "té veux qu in arsorte ch' cahier d' vacances?"
asteure in appelle cha un "passeport" mais vous fiez pas à ch' tite, ch' est quand même un cahier d exercices à faire DURANT ché vacances .....
que hérésie .... mais bon, in savo les limites à pas franchir