d'vant ché grands magasins ...
par minloute le, 29/09/2018j'em faijo la reflexion ch' matin, devant l intrée du leclerc d' min coin...
depuis que ché grands magasins, ou plutot ché supermarchés i zont ouverts, y a eune catégorie d' clients qui a apparu...
in' n avo djà à mon Cora, fin des années 70, i sont toudis là près d' 50 après ...
y est pas l heure d' ouvrer, nan, y a cor du personnel qui arriffe et qui rinte dins ch' magasin par l' tchiote porte du coté ...
devant l' intrée , y a ché zhabitués, tous sont plus prets des 80 ans que des 70, mais ch'est pas pour cha qui céderotent leu plaches devant le sas d intrée vitré ....
y a meme un rituel, toudis les memes, in plus chacun i s' met as ' plache et essayez pas d'vous rapprocher au plus pret d' l intrée ...
seriez au moins fusillé du r'gard, quite meme à c'qui s arretent d' parler intre eusses ....
sinon, eune attaque d' dintiers sero pététe pas à exclure ...
sont là tous les jurs... pourrotent faire leu courses un ou deux coups par semaine ...
nan , "cha les fait sortir" ........
cha discute, mais zont l' bleusse vue in meme temps, ouais , pasque i zont un neule qui ravisse si l' dame ale va pas v'nir pour ouvrer l' sas d intrée .....
et l aute plus inquiet, à vire en meme temps ch' parkine s' rimplir d' carettes ...
autant d' carettes qui arriffent , autant d' risques d' es'faire doubler , alors que eusses , sont là d'puis au moins eune demi heure ...
cha discute moins, on sint qui a d' l impatience, i n a meme , j' les vo qui ravissent à trois coups leu montres , in s'ravissent intre eux , et tout ch' bio monte i s impatiente ...
faut dire qui sont artraités depuis près d' 20ans, et que leu journée ale est réglée, et faut pas qui a l' moindre écart ...
ah cha y est l' dame ale arriffe, j' in vo qui berloquent l' tiete, y éto temps cha allo et' ouvert avec un r'tard d au moins eune mineute .......
dins tout cha y est que 8h46..... mais pas l' temps d' discuter asteure ...là ch'est presque du chacun pour soi....
on sint les dogts qui s'crispent sul' poignée du caddy.... ché ortiaux i pietinnent sec ...
cor heureux pour l' dame qui met l' clé pour l ouverture qu ale so pas face al' porte sinon ale sauro happée par la foule d' sans dints qui s' précipite à l intérieur
ouais, ch'est le mot "happée" , vu qu à peine ché portes al' s introuvent , que ché gins i s' faufilent à l intérieur ...
ch' est pas un flux , ch'est un torrent sauvache qui rinte d un coup
bizar'mint , ch' torrent qui a un sacré courant au début, i s apaise tout d' suite ..
ouais zavez pas armarqué qu eune fo que ché gins i sont rintrés dins l' magasin , en tout cas par ichi, i z arprennent leur calme, meme i n na qui arprenent leu conversation tout in avincha asteure au pas de sénateur , dins l allée principale ......
zallez dire que j exagère, mais acoutez mes gins, l' samedi matin j' va acater un lit' d' blanc à mon dech' marché ..
y a des coups ch' marchand y est pas là , y a installé sin stand, et y a parti boire un café, j' vous jure que ch' est vrai , j a vu l' semaine derniere, y a quéqu un qui a été ach' café pour li dire qui attindo ..... qui éto pas pressé, mais que quand meme .....
j in discuto avec ch' marchand après, im' dijo qui arrivo avant à 7h30, yavo du monte qui l attindo, alors i s a dit j' va v'nir plus tot comme cha j aura l' temps d' m installer avant que ché gins arriffent ...
mais ché gins i s'sont apercu qui arrivo plus tot, alors eux , sont arrivés aussi plus tot ...
scéne d' la vie d' tous les jours, j' su sur que vouzautes, aux quat' coins d' la france , que soyez du nord , du sute , pouvez vire les memes scénes, au matin, tot, d'vant l' intrée des grands magasins ....
à méditer mes gins, à méditer