tout in haut dech'terril , eune canchon d avenir
par minloute le, 06/10/2018nan nan mes gins, j' va pas armette d' l huile such' fu concernant l interprétation qu in a fait Dany Boon....
nan, j'racouto ché paroles et j'em dijo que chéto, ch'est sur, eune canchon d avenir ......
"j irai passer mes vacances tout in haut dech' terril"....Edmond Tanière i savo pas qui sero commint qu in pourro dire , un précurseur en la matiere
surs que nouzautes , chte canchon ale nous rappelle not' infance, l époque qu in passo ché vagances au pire à gardincour....
savez 8 jurs au gardin et 8 jurs al' cour.....
et pour les plus chanceux , des vagances in général su la cote d opale .....
et l'somome , chéto d aller à l aut' bout d'la France , pour aller à Menton ou La Napoule , et cor chéto en voyache organisé......
nan, j' racouto ché paroles et j'em dijo que ch'est sur , eune canchon d' avenir .....
in nous met in garde depuis quequ'décennies, avec ch' fameux cang'mint climatique qui allo arriver ..
in y est mes gins, zavez vu tous ché catastrophes qu in vo asteure, y a qu a s' souvenir que le mot "tsunami" , yavo pas grand monte qui l' connaisso ..
j' dis pas qui n avo pas avant ,mais cha print des ampleurs , et surtout i n' a d' plus en plus souvint ...
sans aller si loin qu' cha, chaque année in sinto fin aout début septempe , un sacré cang'mint d' température, comme si chéto pour nous dire , "hé ché tchiots, zavez vu, ch' temps i cange , y est temps d arprinte vos cartapes"....
in armetto "sa petite laine", ché saisons ale s étotent marquées ...
ch' t' année, y a des tchiots qui sont rintrés en maternelle , arvetus d un t shirt et d eune maronne courte ......
parait que cha va s accentuer, en fait ch'est sur , l homme i jue avec ch' fu, i s'ra toudis temps d' es' serrer la ceinture plus tard, pour l instant, i faut préserver ses emplois industriels , et in continue à faire d' la porution à toute blinte ..
verrez mes gins , j' pinso que cha sero nos tchiots infants, mais j' crains qu in vo d' not' vivant la disparition des ours polaires, dont ché derniers survivront dins des zoos .....
si cha continue , là in s'ra plus là pour l' vire, mais i va faire trop caud dinch' sute d la france
et l' nord ed' la france et la bretane i vont devenir ché estations à la mote ..........
tout l' monte i va printe ses cliques et ses claques et pour ché proutes proutes, quitter saint tropez pour arjointe hardelot
alors comme in a comminché ya queques zannées avec loisinord in faisant eune piste de ski sur un terril, j' me d'minte si dans 200 ans , yaura pas des parcours d' déchinte d' kayak sur ché flancs ou pour ché coureux du tour de france, des arrivées ....tout in haut dech'terril
mais cha , heureus'mint, in s'ra pu là pour el vire ...