l' art d accommoder ché restes ....

pour vous dire, j'y avo busié au matin quand que j' travaillo, j' savo qu à la débauche , cha m atttindo al' mason ...

comme diro l aut' chéto vraimint l art d accommoder les restes ...

alors j' vous dresse l' décor, i resto l' carcasse d un poulet, quand que j' dis la carcasse , i li resto djà pu grand cosse su ché oches, mais savez, j avo tel'mint vu min père décortiquer ch'te volale du que d autes i voyotent pu rin à minger , que grand mère quand qu ale veut j'ter l' carcasse al' me l' deminte avant si ale peut ...

faudro pas malheureusse, qu ale jette ch' meilleux ...que plaiji d aller querre l' restant du restant del' viante qui pouvo cor s accrocher par chi par là ...

surtout que, resto del mayonnaisse, d' la mayonnaisse mason mes gins, alors là, poulet frod mayonnaisse, là j' parle pu à pas personne tant qu' ech' minche ......

i yavo pas qu' cha , in pourro dire que ch'poulet chéto l apéritif ...

resto cor un bon morciau d' bouillon d' boeuf, frod bin seur, pi del sauce tomate, parel, pas del sauce in boite, nan del vraie, del bonne, d' celle qu ale été faite in partie avec ch' jus du bouillon ............

j' vous fais pas chi un dessin

croyez pas que j allo minger ch' boeuf avec del sauce tomate récauffée, nan cha s' ro donner d' la confiture à ché cochons ..

nan, ch' boeuf frod, i faut l' sublimer , faut pas li casser sin gout, ch'est là que té sint cor l' miu l' gout del viante, alors pour cha grand mère ale avo fait eune sauce ravigote, savez, d' la vinaigrette, des morciaux d oeufs, d' zéchalottes, pi des câpres .......

as'deminder si chte sauce ale avo pas été inventée d expres pour accompagner l' viante froite ...

mais quo qu' t as fait alors d' la sauce tomate ?

faut dire que j avo prévu ch'coup, grand mère ale avo fait cuire des pétotes nouvelles,et eune fo ch' poulet et l' boeuf avalé, bin, j a versé sur ché pétotes cautes, l' sauce tomate récauffée

pétotes que j avo gardé l' piau bin sur, pour mi ch'est presque indisociape d' pas minger l' piau del pétote avec ...

sur que té pourro pas trouver cha dins un restaurant, mais mon diu mes gins mon diu qu' chéto bon tout cha ...