Les jardinsla règle de trois et la division
par minloute le, 14/11/2018hier au traval, y eu un momint du qui fallo faire un calcul, et in n avo pas sur nouzautes ni portape, ni calculatrice ....
là j a vu tout d' suite ché réactions, pas un qui a pris eune feule rin que pour essayer d' faire l'opération .....
la réponse cha a été "faut aller arquerre eune calculatrice" ....
mon diu mes gins, j a intindu là haut mes anciens zinstituteux à la fois étonnés et pas contints .....
j a pris eune feule, et j'a fait l' division, j'a obtenu l' réponse ....
bin nan, i doutotent d' min calcul ...... "fallo vérifier avec la calculatrice" .....
i zont été arquerre eune machine, i zont fait ch' calcul, bin bizar'mint in est arrivé au même résultat ....
cor que, j' do avouer qui y a eu un "momint d' flou" pasque fallo savoir quelle opération faire .....
as' deminder si à l école in enseigne cor la fameuse "règle de 3" et commint savoir faire eune division avec des chiffes à virgule ........
comme j' leur a dit gentimint, ch'est pas l'tout d avoir eune calculette, faudro aussi savoir faire eune règle de 3
mon diu, du qu in s'in va ....
Té sais Minloute j'cros qu'in a été dins eun' bonne école, l'école Loubet, pas in minme temps pisqu'in a des années ed'différence mais avec toudis des bons instits qui nous ont bien appris tout ce que nous savons encore actuellement et je les en remercie : Wacheux, Houiller, Levevre, Bourdon, Beugin, Garbe
