la télévision fin horloge et speakrine

un souvenir qui m est arvenu,par rapport à chte fameusse horloge...

quand que cha allo et' l heure du début du programme, yavo eune musique qu in intindo, chéto des trompettes...

comme au temps de louis le quatorzieme, qui arrivo quequ' part .... l arrivée des programmes de télévision dins ché foyers avo dro au meme trait'mint ....

cha y est zallez dire, vla ché programmes qui vont commincher .....

si on veut ...

aparaissao alors la fameusse speakrine, femme potiche pour certains, "pompier d' service" dans bien des cas ......

ale éto là pour nous égrainer l' programme télé de la soirée, faut dire qu à l époque , le détail des programmes télé, chéto des plus succints ...

quequ' lignes dans la voix du nord, ou dans la croix du nord, des informations des plus "spartiates " ....

ch' est l arrivée du magasine Télé 7 jours, eune toute nouvelle approche d' la télé qui a révolutionné tout cha ...

quand qu in allo en région parisienne à mon d'eune tante à min pere, in le feuilleto vraimint dans l' détal

mais souvint comme j' dijo la speakrine ale faijo l' pompier d' service ...

faut dire que bin souvint avant la fin des années 70, les "touillaches " étotent fréquents ....

rupture d' faisceau par chi, probleme d' brouillard que cha impecho la retransmission....

et encore cha chéto quand que t avo dro à eune réponse , souvint la speakrine, ale commincho par " suite à des éven'mints qui nous sont pas imputapes, in pourra pas suiffe telle émission" ...

et à la plache t avo dro à la ponte des tortues dins ché ziles galapagos, ché yions dans la brousse, ou ché baleines dins l océan ....

mais y avo meme des coups t avo meme pas de speakrine quand qui yavo un probleme, t avo dro à " l interlude" ...

souvint chéto ch' pitit train rébus, ou meme j in a l'souvenir un coup, eune vision d' pichons dins zin aquariome , t as qu à vire ......

mettez vous à not' plache , in ravisse eune émission et pi crac , pu rin ......

min père "cor un probleme à bouvigny" qui dijo , ch'est là qui yavo l 'grante antenne télé du coin, pas si loin d ailleurs de notre dame de lorette ...

ah combien d' coups y a pu raler min père, combien d' coups d' poings qui a pris ch' l accoudoir droit d' sin fauteule ..........

bon in éto contint quand meme quand qu in voyo réapparaite la speakrine, in pouvo djà s' dire que l' probleme i veno pas dech' poste .....

mon diu j a l'souvenir que ch' poste i éto tombé en panne, et ya fallu attinte bin eune semaine pour qui arvienne al' mason, bin chéto long sans li ...

preuffe qu in s y éto bin vite habitué .....

j arviens à la speakrine, quand qu ale apparaisso, et qui yavo un probleme...

avec eune tiete du ginre " j a toute la misère du monte sur mes zépaules", l' moins qu in puisse dire ch'est qu ale compatisso à nos angoisses ...

j a pas connu jacqueline joubert, mais dans les années 60, dins ch' poste noir et blanc, in avo nos préférées et celles qu in avo moins ker ..

la plus professionnelle à nos ziux , chéto catherine langeais, ale avo comme in dit un "port" , eune prestance, un ton, un peu solennel, mais in metto cha aussi , pasqu ale éto la femme de pierre sabbagh,eune très grante personnalité d' la télévision

ale animo aussi avec s' belle voix, un peu trainante, l émission du diminche midi, la séquence du téléspectateur

ale est aujourd hui décédée

eune aute, mais celle làle, in l avo pas ker al' mason, ale bafouillo grinmint , ou plutot min frère li pardonno aucune hésitation ...
chéto jacqueline caurat

ale animo eune émission sur la philatelie

à ce jour mi novembe 2018 ale est toudis vivante , ale a passée largemint les 90 ans .....

eune qui s' débrouillo bin ch'éto anne marie peyson, ale faijo la speakrine et ale animo des émissions

ale nous a quitté aussi ....

dins ché "nouvelles" yavo not' fameuse denise fabre, in l avo pas ker al' mason, enfin chéto l avis d' min frère et un peu d' min père

ale s imbrouillo souvint , et l' pire chéto quand qui yavo un probleme, elle, ch'est pas su les épaules que li queyo, t avo l impression qu ale avo perdu ses parints l' mineute avant ....

nan, mes gins, m' préférée, chéto jacqueline huet, eune voix douce, un véritabe charme, eune poitrine qu ale savo mett' in valeur, et meme à l époque du qu in avo viré eune speakrine qu in avo vu ses g'noux, i arrivo qu in vo l'tout début du haut d' ses gougouttes ...

ouais, zallez dire minloute i décaroche, mais savez, à 8 ou 9 ans, chéto comme in dit "mon éternel féminin" .....

ale a eu un destin tragique

d abord ale a fait d' la publicité, pour eune marque d' produits surgelés, j' me souviens cor d' sin slogan " vivagel bien sur"

pi au miyeu des années 80 , ale s a donné la mort ....

ch'est eune bin triste note pour terminer un sujet pour un coup...

Bin in a connu les minmes Minloute avec chés horloches, ch'petit train rebus lors d'chés coupures etc...