images et bons points
par berlens78 le, 23/11/2018Bons points et images
In pinsant à chés buvards, j’arpinse aussi à chés images. Y’avo chés bons points pi chés images. Quand in avot eune bonne note, ou qu’in féjot eune bonne réponse, in avot un bon point. Pis, au bout d’dix bons points, in avot eune image.
Des fos, ch’maitte y étot pas contint passe qu’in n’avot pas été sage ou « dissipé » ou qu’in n’avot pas fait ses devoirs ; alors, y arprénot des bons points.
Souvin, l’samedi après-midi (parce qu’in avot l’école tout le samedi, bin ouais min nin !), ch’maitt y sortot l’boite à images et in allot à sin bureau chacun sin tour pour canger nos bons points pour des images. Des fos, in pouvot choisir intre les animaux, les fruits, les fleurs, chés zoziaux, chés costumes … .
In étot contints d’ rapporter nos images et d’les montrer à nos parints. In n’avot pas d’récompinses pour cha, mais in étot fiers quand y dijotent à chez voisins ou à pépère « li, y travall bien à l’école ; tous les seminnes, y rapporte des images ! ».
Quand j’allos akater chés biftecks àmont Nippert, ch’boucher del rue Alfred Leroy, in arvénant d’lécole, y m’demando toudis si j’avos bien travaillé à l’école ; j’y répondos « j’ai eu 10 à ma dictée !» ou bien « j’ai eu deux bons points ce matin !» ; alors y m’dijot « c’est bien » et y m’donnot eune rondelle éd’saucisson à l’al…
Et pis chés gins derrière mi, y dijotent aussi « c’est bien mon garçon ; tu travailles bien à l’école ; tes parents y doivent être fiers de toi ». Alors je ressortais de la boucherie content et plein de confiance en moi ; et j’disais bonjour à tout le monde.
Quand in avot 10 images, là, par cont’, jé m’souviens pu …
Voir photo
Merci Berlens de v'nir nous mette tes souven'irs sur ech site...
et aussi ed corriger comme l'histoire de l'ambulancier que j'ai toudis été persuadé que chéto el magasin Spar et que té dis, à juste raison, que ché M.Leroy el magasin de rideaux.
Y avo eune grande maison derrière ché magasins, au niveau del rue de Divion, elle a été abattue....Chéto à quel commerçant.
Pour arvénir à tes rondelles ed saucisson, ché vrai qu'in éto gueulard et que l'passache ché l'boucher chéto toudis el pétite récompense. J'étos din l'classe de William Nippert, et souvint i nous amèno des sandwichs qui nous vindo avec del charcuterie de sin père...in n'éto pas trompé sur la quantité.
Et pi après, j'ai bien connu aussi el fille plus âgée, Françoise Nippert, qui éto mariée avec Francis Bécu
Pour ché bons points, j'ai découvert récemment que din certaines écoles in comminche à n'ardonner.
Réponse à JPP
Pour réponte à l'question d'JPP concernant "une grande maison derrière ché magasins", y'avot un batimint qu'y appartenot à ch' magasin d'télé Chalmain.
Pi après y'avot un portal qui donnot sur eune maison du qu'alle habitot Madame Leroy, avec eusse mère aussi j'cros.
In n'véyot rien dél rue car chétot protégé par eune muralle qui allot jusqu'à eune pétite boulangerie du qu'in acatot des "chnoukis" (pétits pains au chuque avec des graines noires éd' pavot).
Ch'mur y étot assez haut et quand in juot au ballon dins l'rue, in féjot attintion d'pas l'invoyer au-dessus parce qu'alors in l'arveyot pu ... (vire él photo dél rue d'Divion in 1983)
( 1 photos)