ch' fourneau partie 3

vers la fin des années 60, y a eu d' gros cang'mints dans s' n arriere cuisine

ch' frigidaire , qui a rimplaché l' garte manger qu in avo al' caffe, savez ch' t assemblache d' planches et d étagères protégées par du grillache à poules et un verrou ...
tout cha cont' ché souris .....


pi bin sur l' gaziniere ...

qui dit gaziniere, dit aussi cocotte minute , et meme si min père avo osé dire un coup que ch' bouillon al' gaziniere i éto moins bon que ch' bouillon au fourneau ...

l ' moins qu on puisse dire ch' est qui avo été archu par m'mère .........

pi un coup , y a eu eune réunion d' quartier pour parler du passache du gasse , et là min père y a sauté su l occasion.....

ch' fourneau y a été foutu in l air, rimplaché par eune chaudiere ....

savez in est tous nostalgiques d' not' infance, in a connu l' garte manger al' caffe, l' buée dins ché lessiveusses, ch' fourneau dins l' cuisine ...

mais à y raviser d un tchiot plus près, quand que m' mère ale a archu eune machine à laver ch' linche, j' peux vous dire qu ale éto bin continte

j' me souvins qu ale avo d' sacrées gerçures à ses mains quand qu ale faijo cor l' buée à l ancienne, et pourtant ch'éto pas quéqu un à s'plainte ah cha non .......

ch' frigidaire , cha a été l' signe d un cang'mint d habitutes, avant ché femmes ale zallotent chaque jour faire leu courses à ché tchiots magasins du coin ....

après cha a été la périote des grantes courses, qu in faijo eune fo par semaine à mon cora, et fallo bin un frigidaire pour y mette tout c'qu in mingero tout au long d' la semaine

et que dire dech' fourneau ......

l' angoisse dem' mère quand qu ale avo peur que ch' fu i s imballe dans la nuit ...

l angoisse aussi quand qu au matin ch' fu i éto éteint, et qui fallo tout arcommincher ....

vider ché chindes, aller querre du tchiot bois dins l' barraque ...au bois , au matin dans la froidure ...

bin ouais vu que pour accéder à ché barraques comme à ché ouatères, fallo passer par l' cour, qui drache , qui neiche ou qui fasse frod .........

atteinte qu' cha prenne, cha dégageo toudis eune bonne finquée dins l' pieche ....

aprés in rajoutto du carbon et là cha dégageo eune odeur d' poussiere d' carbon , que chéto acre à respirer ....


sans parler bin sur d' tout ch' remue ménache , tout l entretien qui fallo faire pour entretenir ch' fourneau

ch' fourneau bin sur , sans compter c' qu in appelo ché "feux continus" qui yavo dins l' pieche du salon, et un aut' dins l' pieche d' devant

le rituel pour ch'fourneau chéto d' faire déchinte ché chintes , de les récupérer dins ch' fameux bac, pi les sortir dehors pour les mette dins un coin....

pour après soit les mette dins l'lessiveusse qui servo d' poubelle, ou alors les étaler dins ch' gardin