ch' fourneau partie 4

mette des chindes dins l' lessiveusse qui servo d' poubelle ...

un coup min père i avo pas du faire attintion, y a du n in mette qui n étotent pas complet'mint étinte , et l' lessiveusse, ch' coup là ale a commincher à finquer....

jusqu à temps qui verse d' dins eune paire d' seaux d iau.....

j' voulo parler que dech' fourneau , de ses contraintes, mais au soir , min père i devo faire la tournée des feux ...

et faire l' meme opération qui avo fait ach' fourneau, à ché zautes feux del mason

et là mes gins chéto eune aut' paire d' manches ....savez min père i avo eune gampe raite , alors pour ayonner ché feux continus, i devo presque s allonger par terre , pi après s arléver

et chéto d' plus en plus difficile pour li les années passant ....

sans oublier que chéto plutot bruyant ...

j' me souviens un soir in acouto avec min frère eune émission d alain decaux, et in éto pris par l action et au momint critique, vlà ti pas qu ach' momint là , min père y a comminché à ayonner ché feux continus et là in s intindo pu, alain decaux i faijo du playbaque ....

et pur ceusses qui savent pas commint cha s' passo, ch'est qu in faisant bouger eune manette , cha faijo bouger ché grilles, et bin sur ché chintes et les plus tchiots morciaux i quéyottent dinch' bas in bas

alors quand que la chaudiere ale a été installée, in a eu plus caud dans les champes in haut...

pu d' feux continus à alimenter et à nettoyer chaque jour .....

pu d' carbon à rinter dins l' caffe, et à armonter seau après seau pour alimenter tous ché feux .....

pu d'"gymnastique" pour min père , et ch'est vrai que les années pésotent d' plus en plus pour li

et SURTOUT , comme dijo m' mère, chéto bin plus propre d un coup dins l' mason...

alors après tout cha , vive le progrès ....