vlà ch' garde ...

vlà ch' garde ..... j' l a intindu eune paire d' coups chte phrase là ...
suffijo qu in so in "goguette" à plusieurs ou partis pour cacher marotte, in s in méfio toudis ......

faut dire qui avo pas bonne réputation ch' garde des mines.....

porion en fin d' carriere et armonté au jour bin souvint , in y trouvo comme dans toute population, des plus "coulants" , à des peaux d' vaque......

faut dire que pour ch' mineur qui éto in repos as' mason, d' vire passer dins l' rue ch' garde in costume , bin assis sus' mobylette avec toudis un eule à fureter par chi par là, in l avo pas ker ....

au temps du que les compagnies de mine , pi aprés les zhouillères étotent à leur apogée, in y faijo pas c' qu in voulo ...

comme chi in voulo alors que tout so parel, rectiline, que toutes ché masons arsempent les zeunes aux zautes ...

pour plus d' précisions, qu ale so les memes , rue par rue ....

j avo armarqué in étant tchiot que dans certaines rues et pas dans toutes, yavo un coup d' peinture blanque autour d' chaque farniete ..

mais l' rue à coté, chéto pas l' cas ....

j' me souviens au coin d' la rue de béthisy, ch' garte qui s ingueulo avec ch' mineur qui habito là ...

i avo décidé d peinte l' coté des ' cuisine avec eune belle peinture blanque ........

j' cro que si cha chéto passé derriere eune porte qui meno al' cour comme in pouvo in trouver comme dins l' rue leverrier ou l' rue d' rue d' chatel'raut, ch' garte i auro rin dit , du momint que cha s' voyo pas ...

mais là chéto l' premiere mason au coin, cha pouvo que tourner vinaique ........

cha gueulo mais cha gueulo, nouzautes in arveno d' l école Loubet, in raviso cha avec plaiji, un vrai théatre aux armées ...

j' va faire un rapport qui dijo ch' garde, l aute , j in a rin à foute, té sors dem' cour ...et patati et patala ...

derriere ché portes d' cour, chacun i faijo à peu près as' mote, du momint que cha so pas visipe et qui a pas personne qui allotent in parler à qui de droit ....

chaque garde avo sin quartier , et i passo régulier'mint dins ché rues ...

gare à chti qui avo laissé du brin d' vant s' mason, que che so des branques, des morceaux d' briques, en fait fallo qui a rin qui dépasse ...........

sur qui avo un role répressif , mais chéto aussi souvint par li que t arrivo à avoir des améliorations at' mason ..

j' me souviens qu' min père i voulo faire canger la porte d' sin garache, ch' garte y a venu, y a fait " sin rapport" ....
bon après j' sais qu' min père i s' rappelo à son bon souvenir .....

après in a vu arriver ch' piqueux, pi enfin ché travaux ......

la figure la plus connue de chti qu in surnomme "les oreles des zouillères" ch'éto quand qui ouvro ché vannes pour que ché femmes ale nettoyent ch' caniveau

i buquo à ché portes avant, et chaque ménagere ale devo et' aprés d' vant sin bout d' trottoir ...

et li aprés i ouvro ché vannes d io pour qu ale passent ch' ramon

pi les zouillères ale zont freumés, cha a été géré par d autes zorganismes, et là , in a sinti que chacun éto plus libre d' décorer as' mote s' mason ......

eune pergola par chi, eune entrée modifiée sul' coté pour rintrer s' carette au bord d' sin gardin , in vo asteure des chosses qu in auro pas vu avant ....

ch'est pu comme avant ............