cha vous fait pas ''drole''

j' su sur que chi...

cha vous fait pas "drole" asteure quand que ch'est les fetes d 'la Noël...........

en queques décénnies zavez cangé d' plache ..... de tout au bout , quand que vous étiez l' benjamin .......

que même i fallo vous couquer ch' premier pasque ch' père Noël i allo passer dans la nuit ........

qu in éto tout contint d' mette ses chaussons au pied du sapin (j'me souviens d' min frère , que caronne, qui avo fait expres d artirer l' mien, et pi après d' s étonner tout haut qui yavo pas l' mien)..........

qu in éto ch' premier réveillé au matin , à acouter l' moindre bruit qui signalo que mes parints allotent déchinte et mette en plache ché cadeaux ...

hé ouais in a pas cru au père Noël bin longtimps , faut pas croire ...

que j' voyo aussi min père qui trono au bout del tape, savez le 25 au matin quand qu in mingeo l' coquille et que chéto l' seul jour d' l année que j' prenno del confiture avec .....

alors cha vous fait pas "drole" asteure, d' vire que vot' plache al' tape ale a bin cangée .....

de benjamin, tout au bout, ch'est vous asteure qui avez asteure la place "du chef" ....

les frère et soeurs sont partis , quequ' fo pour toujours, tout au moins ont fait leur famile avant vouzotes ...


pi vient l' repas du midi, et là vous les voyez, tous ceux et celles qui venotent partager ch' repas de la Noël avec nouzotes ....

la grand mère, le grand onqu', s' n' épouse, l' cousine à min père, ceux qui nous ont quitté quequ' fo y a plus d' quarante ans ..........

asteure ch'est vous "ch' doyen", ch'est vous ch' père Noël, si ch' est pas pour vos zinfants , cor pour ché pitits zinfants .....

ch'est vrai que ch'est des momints qu in a eu ker à vivre, et qu in fait tout asteure pour que nos p'tits zinfants à eux aussi cha so aussi des souvenirs inoubliapes ...