Les jardinsla Noël
par minloute le, 22/12/2018j' pinso pas faire un artique là d'sus, j' me dijo , bon la Noël , tout l' monte i sait à quo cha correspond .......
j' vo ché pitits d à coté, bon zont quand même 6 ans , et j' leur deminte taleure, alors pourquoi qui y a la Noël ?
Ché jones "pour qui y a des cadeaux pour ché zéfants" ....
bon té comminche à les aiguiller sur le fait que ch'est l' jur que le petit Jésus y est né ....
i m ont ravisé avec des ziux comme si j éto un extraterrestre
j' m a fait busier quand même, ch' est vrai qu asteure, demindez à ché zadultes à quo cha correspond Pâques, la Pentecôte, le 15 août .....
bin zaurez pas grinmint d' bonnes réponses, mais de là à pas savoir qu in fête la Noël pour fêter l arrivée du pitit Jésus ...
sur qu in est dans un monte de plus en plus laïque, ou d' moins en moins religieux si vous préférez ....
qu in sache pas quo que ch'est la Pentecôte, d accord, mais la Noël ......
sur qu in vo d' moins en moins d'créches aussi, cha a pratiqu' mint disparu de tout c' qui est lieu public
taleure en rintrant j' deminte aux tchiotes, si zont eune créche à l école, et l' pitite ale répond, "bin nan , in a eune maternelle" ....
i savent quo que ch'est eune "crèche" type garderie mais le vrai sens savent te pas ..
à méditer mes gins ...
cor que les plus "païens" d entre nous peuvent se réjouir, quo qui reste à la Noël , bin ch'est ch' sapin ...
et décorer ch' sapin, chéto pour fêter le solstice d hiver ....
décorer ch' sapin, halouine, fêtes païennes qui sont asteure toudis d actualité
