Bruay, l'arrivée des grands magasins

fin des années 60, cha a été un momint charniere pour Bruay, l'exploitation minière, tout l' monte savo que cha allo s' terminer dans eune dizaine d années .....

la plupart des puits avotent fermé, et bientot faudro printe ch' bus pour aller sur Courrières continuer sin métier d' mineur ......

au niveau des ménaches, yavo cor des sous... ché mineurs avotent eune bonne retraite, au pire ché veuffes in avotent la moitié , et dans Bruay souv'nez vous, in voyo sur ché routes milieu des années 70 grinmint d' Renault, vu que la STA ale s éto inmplantée à coté

cha même été ch' miroir aux alouettes, ché mineurs qui devotent finir leur carrière, certains ont pu y rintrer assez facil'mint .....

pi in a appris que yavo un grand magasin qui allo s installer à Labuissière

ch'éto pas CORA, nan, chéto Carrefour

les travaux ont été freiné pasque ach' momint là in a découvert des restes d un villache gallo romain du qu in voulo faire ché fondations .......

pi Carrefour y a ouvert .........

j a des souvenirs de ch' momint là, ch'est les miens, j a pas eu l impression que tous ché commerçants du centre ville ont imaginé c' qui allo arriver ....

certains devotent et' surs que cha allo pas les toucher, ou pas grinmint , et que le centre ville i attirero toudis grinmint d'monte comme cha s' passo à l époque ......

j' me souviens d' min coiffeur, Gérard, qui avo sin salon rue Raymond Deruy, et qui dijo à ché gins, qui y avo fait un tour pour vire le salon de coiffure, que ché jones qui i coiffotent pas bien, et que ché clients qui y étotent partis, i zallotent arvenir dins ché salons de la ville ...

avis personnel ou voeux pieux ?

pi duch'mint , y a eu des magasins qui sont partis dans la galerie marchande, des "traitres" ..........

pi ché ménagères i sont allées vire ché prix à mon Carrefour, et j' me souviens d' la reflexion d'em mère quand qu ale avo comparé ché prix des boites d' conserffes avec la coopératiffe et même ch' magasin Libéral installé pas loin d' la gare ....

et que dire des prix del viante, que Omer i avo même demindé am' mère pourquo ale veno pu à sin magasin, "j y a trouvé min compte" qu ale y avo dit .....

c'qui a aussi pas aidé le centre ville, ch'est que les gins asteure , bin grinmint avotent eune carette .......

alors s' déplacer à Labuissière pour y faire des courses, cha géno pas ché gins .....

ch'est même devenu eune habitute , un rituel, j allo dire même "eune messe"...

in dijo "in va faire les courses" , mais ché gins dijotent cha comme si i zallotent à Bagatelle......