ch'est comme aux ouatéres.... y a pu d' papier...

dans l' temps pour savoir ché zhoraires t allo à la gare , plus tard té pouvo téléphoner ...

in a connu , la périote pas si ancienne , du quand que t allo à la gare , té pouvo printe des dépliants du que d' sur yavo tous ché zhoraires, et té pouvo à l avinche prévoir chti qui correspondo l' miu à tes attentes ...

chéto un sacré progrès,mais t éto sur déjà d' gacher du temps , quand que dévra aller aprés printe tin billet et te présenter au guichet ....

alors là cha dépindo , d abord du nompe d' gins qui yavo d'vant ti, et pi si zavotent préparé leur voyache pasque sinon cha pouvo durer un momint par personne .....

j' su obligé d'dire asteure, meme si j'em considère pas si viux qu' cha, que cha "chéto avant" ......

ya vraimint eu un monte avant et aprés....... avant et après l' develop'mint de l informatique ...

in a comminché à vire apparaite des bornes dins ché gares, oh, chéto simplemint pour "aider" ché gins, pour que ché gins qui arrivotent al' presse i puissent printe un billet ...

y a eu le develop'mint de l informatique, pi chti de l internet ....

asteure té peux printe tes billets de train en restant dins tin fauteul ...

enfin quand que j'dis " té peux " , en fait té les prints, ch'est rintré dins ché moeurs , teut' déplache plus, té gagne du temps, comme in dit .......

té reserve, té paye, avant d archevo tin billet queques jurs après , asteure té là tout' d'suite et té peux l imprimer ....

d 'ailleurs si té veux cor aller dans eune gare pour faire eune réservation, t as interet à raviser si ale est toudis ouverte au public ...

j' m' exprime mal, j auro du dire " t as interet à raviser quand que ché guichets i sont ouverts au public" .........

y a quequ'temps j a eu l occasion d armonter dinch' nord et d' arprinte ch' train , et pi ch' métro, et pi ch' train ....

à la gare du nord , j' raviso ché gins qui attindotent aussi d' savoir à quel quai faudra aller pour imbarquer .......

in intindo cor quequ' "zzzzzz" savez quand ché gins i compostent ché billets, mais pu grinmint .....

nan , i n avo quequ'zuns qui avotent le billet imprimé sur eune feule, mais surtout tel' voyo quand qui fallo l' présenter au portique, la plupart chéto su leu smartphone ...

fini ch' papier, fini ché guichetiers , tout y passe par l internet asteure ...

d' ailleurs j' me d' minte commint qu in pourra printe ch' métro dans quequ' zannées sans avoir un smartphone, pasque meme ché billets d' métro version papier i vont disparaite ......

j' écris cha ch'est pas pour dire que chéto miu avant, ch'est pas l' cas d ailleurs, ch' est simplement un constat, avec ché nouvelles technologies cha cange grinmint nos "vieles" habitutes ...

dans les années 70 in révo du futur, des années 2000, in imagino le ciel traversé par des nuées d' fusées, qu in sero aussi bin sur terre que sur mars......

bon cha in i est pas cor mes gins , mais ch'est pu qu eune question de temps cha ...

par conte à la meme époque, in révo aussi d eune télévision avec eune centaine de chaines, de montres qu in pourro vire sin interlocuteur, qu in pourro aussi discuter avec le monte entier ...

force est de constater que cha, ch'est déjà du passé