ch' torchon calendrier

cha a été la mote durant un momint , savez ché bielles serviettes que d' su chéto comme la couverture du calendrier des postes ....

dans un coin , en grand l année ....

tout in bas tous ché mos , jur par jur ...

pi au miyeu souvint so un bouquet d' fleurs, so un groupe de tchiots cats ou de tchiots kiens .....


cha s acato en fin d année, l' ménagère ale l ' accrocho au miyeu des ' cuisine such' mur avec des punaisses ...

j ' vo que j' comminche presque par la fin, enfin avant d accrocher la nouvelle serviette au mur, fallo artirer chti qui éto in plache , qui avo passé toute l année al' belle plache et qui allo connaite un aut' sort .....

de "serviette" cha deveno un "torchon", fini la belle plache au solel ...... direction ch' tiroir du qui allo arjointe ché zautes loques qui servotent à essuyer la vaisselle .........

chéto fini pour li les zhonneurs ...

mais la déchinte aux enfers n' faijo que commincher ......

li qui avo été épargné , vlà ti pas qu asteure sin tissu i s' use à séquir ché bols, assiettes, coutiaux , soupieres et j in passe ...

rapid'mint i perd ses belles couleurs ...ché roses ale palissent comme si in les privo d' io ...ché quiens i devenotent de plus en plus pales aussi .......

mais au moins, la patronne ale avo eune feinte pour eusses, ale les gardo jusqu au bout, même qui a des coups ale les zépargno, (faut dire qui zétotent plus fin que ché torchons normaux)...

j' me souviens que m'mère ale in avo fait eune pile dinch' buffet, à gauche

et même si zavotent un trou ou que chéto un peu déchiré, cha faijo rin, m' mère ale les gardo , "cha peut servir" qu ale dijo ...

la phrasse passe partout .....

in les zarsorto souvint quand qui yavo des grands repas, quand qui fallo faire la vaisselle, et que ché soeurs ale donnotent un coup d' main ...

oh ch'ti chi i date ! bin ouais suffijo d' raviser l année au coin ......

cha s' fait pu grinmint cha , cor un truc qui disparait ....