au chant de l alouette 2
par minloute le, 16/02/2019Du bout d' la rue, j' vo ché jardiniers, dos courbé, bin occupés dins leu parcelles ,,,
min père i m a pas vu, j' el vo là bo plus bas à gauche, ch' est ch' quatrieme gardin,,,
là j' lance min bidet , oh pardon mon mustang, dins l' déchinte , j' déchind à toute blinte, en faijant quand meme attention à bin rester dans l' chemin , à pas dévier et pietinner ché plans qui sont tout au bord ,,,,,,,
j' a bin appris ma leçon, j' dis bonjour ou plutot j' crie bonjour en passant d' vant ché gins, j' dis pas que tout l' monte i s arleffe pour m' raviser, j' dis pas que tout l' monte i m' répond, mais ch'est comme cha, faut dire bonjour ,,,,,
j' m arrete un peu avant de du qui est min père, j arprinds m' respiration, faut montrer qu in est un homme et faire comme chi j éto pas mate ,,,,,,
j' donne à min père sin gouter, que m'mère ale a mis dans un pochon, eune pomme , eune serviette, du que d'dins éto bin camuché un coutiau
min père i arrivo pas tout d' suite, i finisso « s'route »
après in s asseyo sul' bord d' son jardin, l un à coté de l aute, i preno l' pomme , et chéto tout un rituel, i en coupo des rondelles , eune pour li eune pour mi , tout cha sans grinmint s' parler ,,,,,,,
faijo bio, yavo pas d'bruits ichi, à peine si in intindo les carettes qui passotent tout in bas , rue verte ,,,
cha nous cangeo du bruit incessant du trafic d' la rue nationale ,,,,,,,,,,,,,,,,,,,,,,
au d'sus d' nous , le chant incessant des alouettes là haut dans le ciel ,,,,,,,,,,,,
enfin là haut, tout là haut , in les zintindo plutot qu in les voyo, chéto aussi leur charme,
y a des coups j arparto tout seu al' mason, avec l' pochon vite, mais j' préféro les coups que j arparto avec min père
ch'éto pas un retour direct, souvint i s arreto en passant , pour parler de c' qui avo fait del journée avec sin voisin de d'sus ,,,,,,
pi in arparto vers la maison, fallo djà armonter le chemin jusqu au bitume d' la rue,,,
min père i avo du mérite savez, i avo eune gampe raite, et i pouvo pas s élancer , i monto à la force, avec la brouette ,,
eune fo in haut i s arreto , et là j' pouvo monter dins l' brouette
ah mes gins , j' intinds cor ché graviers qui crissotent sous l'roue d' la brouette, et le tangage provoqué par la façon d' marcher d' min père
mi , à la proue du navire, tout fier, tout contint aussi d' dire bonjour à ché gins d' la rue qui nous voyottent passer ,,,,
la route me paraissait très longue , plus longue qu elle n était en réalité,,,
in s arreto au niveau du garache, et là j' déchindo pasque min père i voulo pas que j' reste d' dins , pasqu in s approcho d' la rue nationale et suffijo qui ya un ébeulé qui tournero trop vite ,,,,,,
cha fait un momint tout cha mais voyez j a pas oublié