du sac à malice de Clara, le mimosa
par minloute le, 24/02/2019Clara, tout l' monte i a appris al' connaite au cours des zannées que j in parle
chéto eune cousine à min père, la seule du coté maternel avec qui i éto cor vraimint uni
Clara, et son sac à malice, j' parle d' sac à malice pasqu' ale éto toudis par monts et par vaux...
de la rue florent evrard à la cité 30, de la pharmacie mutualisse à la caisse d' s'cours, sans compter tous ché gins qu ale allo rinte visite
et ale arrivo jamais les mains vides .......
sac à malice in in fera l' détal un aut' coup, mais quand qu in voyo tout c' qu ale pouvo nin sortir in auro pu croire que chéto un sac sans fond ...
là, j éto cor jone, je savo qu ale allo passer, mi j 'raviso par l' farniete, la vire arriver au coin d' la rue anatole france ...
ale marcho commint dire avec un déhanch'mint, ale marcho pas , ale tango...
à croire que ché sacs à provisions qu ale avo dans chaque main, li permetto d' garder l équilibre dans toutes les situations ....
j' la vo cor arriver le long dech' mur, mi j allo li ouvrir la porte ...
là, fallo pas et' grand clerc pour vire c' qu ale ameno, ch'fameux bouquet d' mimosa qui dépasso du sac ...
ale rintro , imbrasso tout l' monte , et allo vite s affaler sur eune cayelle ...
commincho alors le détail d' la tournée qu ale avo fait ch' t' après midi, (sans compter qu ale in avo djà fait un au matin )
après in avo dro à la chequelisse, ale nous parlo des' tension, d'ses escarres, des resultats d' ses examens et des prochains à faire
mais rapid'mint ale sorto plein d' chosses d' son sac, et là j a l' souvenir du fameux bouquet de mimosa
j adoro ch' momint là..
sur qui yavo djà eu l' momint du qu ale avo amené des jacinthes, et que cha sinto djà bon
mais alors le mimosa..... j adoro ch' t odeur là, j' arvo m'mère artirer ch' pitit autocollant rond qui fermo l' plastique , du que d'sus chéto marqué que cha veno de Menton
chéto comme chi chéto déjà la fin de l hiver, in tout cas le premier signe du printemps al' mason ...
m'mère ale allo querre un grand vase tout d'suite et ale metto ché branques d' dins
cha duro bin plus d eune semaine, pi après ché boules ale se recroqu'villotent, cha sinto moins d un coup ...
j avoue que ch'est eune d'mes parfums préférés, mais malheureus'mint à mon grand regret , j' peux pas n in acater pour la maison
j a m' file qu ale est allergique à cht' odeur là , alors j' em console comme j' peux , en allant in vire , en fleurs , sur ché zarpes au bord de la route ....
( 1 photos)