la Voix du Nord la suite
par minloute le, 10/03/2019j' auro du commincher par le "clac" , que faijo ch' clapet de la boite aux lettes quand que ch' gars i metto ch' journal ...
j a pas d' souvenirs plus précis de chte personne, pour mi ale éto aussi intourée d un certain mystère ...
i devo s' lever bin tot pour que tout l' monte y a sin jurnal au plus tot...
à s' dépécher dins s'tournée , cor en pleine nuit, au mépris de toutes les intempéries ....
y a des coups min père i dijo am' mère sin éton'mint quand qui éto passé quand meme , et que dehors i neigeo grinmint ....
in li pardonno que l' premiere pache du journal ale so un peu mouillée ......
sur que tchiot c' qui m interesso comme j in a parlé avant , chéto que les bandes dessinées la semaine, et le week end, le jeu des 7 différences, et ché points à arlier pour dessiner eune figure au total ...........
aut' souvenir de cette époque, avant le début des années 70, chéto ché gins regroupés devant la devanture d' l agence de bruay , en face du lycée carnot, et qui lijotent , à l'eule, le journal du jour
ouais, l aprés midi, la voix du nord, ale metto su des présentoirs en vitrine , les différentes paches du journal ....
mes parints lisotent la page de bruay pi ch' nom du médecin de garde quand que chéto le week end, ché photos des mariaches pi , plus loin la page des nécrologies ...
combien d' coups j a intindu min père dire am' mère "Odette , té sais pas qui y est mort ?" , m' mère ale répondu forchémint nan ...
min père " raymond untel" m' mère ale dijo rin ...
"mais si " qui dijo min père, " i habito à tel endroit, i travaillo au lavoir"
cha m avo fait busier à l époque, et' mort en ayant travaillé au lavoir , que pour mi ch' éto pas un métier dur que d' laver du linche .......(véridique).....