la Voix du Nord la fin
par minloute le, 10/03/2019pi j a grandi...
avec min frère cha s arringeo pas , vu que mi aussi j' voulo suiffe la page esportive et surtout ch' football ......
chéto l'époque du que le RC Lens i commincho as' réveiller, avec des jueurs polonais comme Faber , pi l arrivée de Gerard Houillier , pi ch' grand Leclerc ....
hé mes gins, finale de la coupe de france 1975, in a été loin d'et'ridicule contre saint etienne ...
alors j' suivo cha su la voix du nord d un coté, et pour ceusses qui ont connu, le magazine Onze, qui avo à l intérieur des pages (de couleur jaune, d un plus pitit format) consacrées au football de chaque région .....
la page des sports, le programme télé, cor que asteure in acato télé 7 jours ...
fini ché tchiots résumés qui in dijotent que le minimum sul' détail de la journée ..
la page des sports, le programme télé, ché jeux aussi, cor que , au fil des ans, j' m a interessé aux mots croisés du week end
un grand mot croisé de 20 cases sur 20 cases aux définitions pas toudis faciles
comme j a toudis été "mele brin la gazette" j avo ker lire ché zartiques su les faits divers ...
vols à la roulotte, asquidents sur la rocate, drame familial.....
cha n a pas cangé hélas ...
mais j avo ker lire aussi eune tchiote rubrique qui yavo in bas de la premiere page intérieure...
cha s appelo du genre " autant en emporte le vent" , in voyo un tchiot déssin à chaque coup sul' coté , chéto un homme avec un imperméape j' cro bin , pi un parapluie , qui lutto contre l' vint et yavo aussi derriere li un arbe qui avo perdu ses feules ...
au fil des années, j a pu ravisé que ché mots croisés, et aussi, et cha ch'éto min vrai plaiji, la rubrique patoisante , qui s appelo " in acoutant Oscar"
min père i le savo et quand que j a parti del mason, min père quand qui voyo que l' rubrique ale éto dins ch' jurnal, i me la découpo et mel' donno quand que j arveno ...
souvenirs souvenirs