ch'bos d' Olhain
par minloute le, 12/04/2019j avo ker aller au bois d'Olhain, chéto pas si loin del' mason...
les quat' chemins, Haillicourt, pi in tourno pour passer à Ruitz ...
là au bout du villache , in voyo la crête boisée du bois d'Olhain ...
y avo pu qu à monter et as' garer tout là haut ...
j' peux memme vous mette eune date précisse, j a pas d' maux , chéto marqué au dos d' la photo, cha date de 1966....
in allo toudis au même indroit, d ailleurs in dijo pas qu in allo au "bois d'Olhain", nan, in allo " aux communes" ....
vous situer l endrot , j a pas d' maux ch'est justemint du que plus tard in construira la base de loisirs ..........
à ch' t' indrot là, la forêt s éto vraimint arsérrée pour pu ete qu un simple rideau boisé ...
in déboucho alors sur le bout du plateau , du que quelques zarbres solitaires étotent répartis par chi par là, nous empécho pas d arriver presque au bord et d' vire s' ouvrir devant nous tout un panorama qui nous emmeno au loin vers toute eune série de vallons et de bosquets ...
par chi par là, quequ' masons argroupées autour d un clocher, sans que j' puisse savoir l' nom d' ché villaches ... ch'éto l' inconnu...
un sentimint d' puissance... attention qu ale dijo m' mère , t approche pas d' trop du bord .....
faut dire que même si chéto pas à pic, cha donno l impression qui yavo un sacré dénivelé ....
à nos pieds, eune route qu in connaisso bin , pasque cha nous arrivo d' l arprinte pour rentrer sur Bruay ...
la fameuse chaussée Brunehaut....