changemints au bois d' Ohlain
par minloute le, 13/04/2019Pi au début des années 70, cha a comminché à canger,,,,
in éto pu aussi désirapes dins ch' coin là du bos,,,,,,,,,,,,
non pas qui yavo des clôtures et des interdictions, mais tout ch' coin là y a comminché à et' bouleversé, in allo y construire la base de loisirs ,,,,,,,
chemins défoncés par les ornières laissées par ché engins forestiers, arpes à terre qui rindotent l accés à not' tchiot coin de paradis de plus en plus difficile
pi savez, chéto pu not' coin,,, du haut d' mes 8 ans, j avo l impression que ch' bout d' bos, pas cor trop fréquenté , chéto à nouzautes ,,,,,,
avec ché travaux difficile d avoir ch' t impression là ,,,,,,,,,,
alors in a émigré ,,,,, in a passé par Barlin, cor que même par là, in a vu des cang'mints, avec la construction d' la rocate ,,,,,,,
à l approche du bos, avant d 's'engager dans la montée, yavo sur not' gauche la carrière à ciment , avec ses grands silos sul' devant ,,,,,,
la 204 Peugeot ale monto fièr'mint la cote ,,,( in tout cas plus facil'mint qu' avec la 403 break qu in avo avant ,,,)
cha tourno dins ché viraches, et l' pente ale s accentuo, l impression d' ete un peu en montane, in tout cas djà loin du bassin minier, pourtant si proche derrière nous ,,,,,
in haut , in allo tout dro au niveau du carrefour, laissant sur not' gauche la route qui allo à Verdrel ,,,,
un peu plus loin , juste avant que l' route ale ardéchinte vers Rebreuve in tourno à gauche
yavo un très grand parking, arcouvert de tchiots graviers en schiste rouge, provenant d' la combustion d' ché terrils ,,,,
un pitit aparté ,,,,,
chéto l époque du que tout l' monte a comminché à avoir eune carette , et à s' déplacer bin plus loin qu ' avant ,,,,
cha veut pas dire qu in faijo des centaines d' kilometes, mais voyez au début des années 60, si t habito Bruay, et que té devo aller à Lens, bin té prenno ch' bus , avec ses nombreux arrêts et ses contraintes horaires ,,,,
c'qui donno l impression que Lens chéto pas la porte à coté, sans parler d' Douai ou d' Cambrai, que là cha nous sembler s' situer à perpette les oies ,,,,,,,,
tout l' monte savo que les mines cha sero bientôt fini, à la fin d' la décennie, bon cha faijo cor queques zannées, pi , à lire c'qui éto écrit dins ch magazine Relais, la région ale allo s in sortir paradoxal'mint non pas avec sin carbon mais avec ses déchets ,,,,
in allo brancher des toyos dins ché puits pour récupérer ché gaz et l exploiter ,,,,,,,
fallo aussi exploiter ché terrils, et avec les schistes et les rebuts , in allo fabriquer des miyons d' briques (d ailleurs de la marque « surchiste » )
ouais in éto loin à ch'momint là du mouv'mint qui a asteure de sauvegarder ché terrils , ché carreaux et ché chevalets ,,,,,,
donc à ch' t époque là, le diminche après midi, ché gins sortotent plus qu auparavant , et allotent plus facil'mint s' promener dins ché bos ,,,,,,,, si yavo pas trop d' bourlique bin sur
bon , nous zarvlà such' nouviau grand parking , la carette garée, et in parto su ché qu' mins ,,,,,
au début , in éto presque nostalgique d'not' ancien coin, in allo marcher dins sa direction, so en partant sous bois, soit en artournant à pied jusqu au carrefour , pi là in tourno à gauche pour s approcher d' la future base de loisirs
« cha chomo pas » qui dijo min père ,,,,,,, chéto dit avec eune pointe d admiration ,pi eune pointe de nostalgie ,,,,,,
avec tous ché chamboulements, fallo asteure printe ses repères pour localiser du qu in allo avant s assire face à la plaine qui s étendo vers Aubigny en Artois ,,,,