Olhain la fin
par minloute le, 14/04/2019comme j dijo avant, à partir de 14 15 ans, in a pu envie d aller à Olhain l' diminche après midi.....
pi eune fo majeur, j'y a artourné, pas tout seu, avec ché copains ...
sans ché parents , intre nous......
in y allo avec nos carettes (bon chéto toutes des 2 voir troisièmes mains, mais ale nous enmenotent fier'mint jusqu à Olhain
d ailleurs pour nous, Olhain, chéto pas ch' bo, nan cha chéto pour ché viux....
pour nouzautes, Olhain chéto l' tennis, ou cor plus souvint ché terrains de badminton , situés pas loin d' la buvette
bin ouais, chéto l' programme, après l'effort le réconfort ....
mais avec modération quand même in éto pas des "carnassiers" al' canette ......
pas loin d' la buvette, j avo arconnu du qu in passo pour aller "dans l'temps", "quand qu in éto jone" s assire avec ché parints en face de la plaine ...
mais cha , j in parlo pas à mes camarates, savez ch'est eune époque de la vie, la vingtaine, qu in est un peu comme la canchon" on se dit qu à 20 ans on est les rois du monde" ....
et à ch'momint là, in in éto pas cor à parler nostalgie ..... in raviso vers le futur .....