hier ch'est déjà bin loin, aujourd hui ch'est déjà demain
par minloute le, 20/04/2019ouais mes gins, pour un coup in va sortir un peu en dehors du cadre du site, mais j' do vous dire que j' su vraimint estomaqué suite à eune vidéo que ja vu chte s'maine ..
j a écris "estomaqué", j auro pu écrire "ébaubi", ch'est un vieux mot français qui dit la meme chosse
qu in plus si in tire un peu ché caveux, ébaubi, cha fait pinser à ch'nom d un tchien...........bin ouais hé boby ...
bon, j' vous raconte tout, j' raviso l' télé et savez asteure in comminche à s' méfier de tout c' qu in i vo, tout c' qu in i dit , mais là j' do avouer que j' su resté perplexe devant le spectaque ...
j' vous explique, chéto au journal télévisé, in nous glisse comme cha, eune vidéo qu ale dure eune dizaine de s'condes ...
un simple commentaire du journaliste, pi in passe à aut' cosse, comme si chéto devenu banal ....
si zavez pas vu, suffit d' buquer sur l arnitoile "chien robot camion" et zaller querre sur chte vidéo
in y vo, mes gins, eune dizaine de tchiens robots qui tirent un camion poids lourds
ch'est impressionnant....
d abord la performance, pi ch' cliquetis metalliques des "pattes" des tchiens robots such' bitume , mi cha m a glacé l' dos ....
zallez dire , minloute faudro arreter le tchiot jaune, mais ceusses qui sont cor dins l' doute, leur suffit de faire la recherche sur internet ...
y a 35 ans y a sorti le film robocop, ch'éto un flime de science fiction, in s' dijo que cha allo arriver mais au moins dans 100 ans, et vlà ti pas qu asteure in arriffe à fabriquer des tchiens robots .......
si in sait fabriquer un tchien, in peut aussi fabriquer un homme
avec l informatique, in est en train d' vivre eune véritable révolution d' not' société, dans un temps vraimint très court .......
j' voyo , gmail, youtube, etc cha a pas 20 ans, mais in croro presque qu in a toujours connu cha
d ailleurs quand qu asteure in ravisse un film des années 80....
qu in les vo rintrer dins ché cabines pour téléphoner............
écrire eune lettre pi la timbrer, pour ché plus jones, ch'est comme chi in armonto au moyen age ........
tout cha cha comminche am' donner l' tournis ....et d aller arlire "les robots" d isaac asimov, j' vous assure que cha comminche aussi am'mette mal à l aise....
à méditer mes gins