le rechauffement climatique
par minloute le, 12/05/2019 dans l'entrée al' mason, in avo un thermomete humoristique....
cha faijo suite à eune préconisation de l état, j' cro bin que chéto du temps de Jacques Chirac, du qu in recommando à ché gins de pas cauffer ché masons à plus de 19 degrés ...
yavo un panneau routier, avec un grand chiffre 19 inscrit au miyeu ......
mais faut dire que quand t allo vire ché personnes agées, le réchauffement climatique i éto djà in route ...
quand qu in allo vire m' grand mère, in avo dro à eune sacrée bouffée d' caleur quand qu in rintro à mon del mason d' ma matante, du que m' grand mère ale vivo toudis ...
mon diu que caleur , qu ale dijo m' mère, combien qui fait chi ? ....
Ma matante ale allo vire ch' thermomete, mais ale in connaisso djà l' résultat...... bin 26
26! s' exclamo m' mère ........ tel' sint qui fait trop caud maman ?
et m' grand mère , qui répondo toudis " fait tout juste bon ......" comme si ma mamatante ale cauffo pas assez .....
souvenir aussi d à mon l' cousine à min père, les dernieres années qu ale éto as' mason....
ah ale devo in rintrer du carbon, ch' fourneau i tourno à plein
parel, tet' prenno un choc d' caleur en ouvrant l' porte .....
savez ché vieles personnes ale zont toudis frod...... ale avo meme mis eune cayelle pas loin dech' fourneau
et quand que j' dis pas loin, chéto tout pres ...
in li dijo aussi qui faijo trop caud, mais là in avo dro à la liste de tout c' qu ale avo et qui allo pas ....... et qui justifio qu in avo plus que caud as' mason ......
un coup à attraper eune chiffernée en sortant ....