l' armontée du catéchisme
par minloute le, 15/06/2019in avo catéchisme le jeudi matin, quand que j y pense, in éto tout un groupe du 2 qu in armonto du catéchisme, tout seu, et qu in avo eune dizaine d années ...
asteure in laissero pu nos zéfants s' trimbaler comme cha en ville...
ché parints i zattindrotent dins leu carette devant la chapelle sainte Barbe....
non, l' armontée du catéchisme, j' l a vécu comme nos tours dins ché dunes à Merlimont, comme un des premiers momints de liberté .....
in éto grinmint du 2, in s' connaisso tous, vu que comme in avo l' même age au plus à un an près, in éto souvint dans la même classe .....
premiers momints de liberté, premiers momints d interdits....
yavo toudis un qui avo piqué un paquet d' cigarettes, ou alors qui avo eu des sous et qui en avo acaté un ...
tiens finque ch'est du belge ....
pour un coup chéto vraimint vrai , vu qu in finquo souvint des SAINT MICHEL, savez paquet vert avec un ange j allo dire avec des zailes .....
ch'éto avec des filtres qu in prenno...
10 ans dire qu in finquo chéto un grand mot , disons qu in "crapoto"...
in l' dijo pas , mais même si in faijo ché grands quand qu in allumo l' cigarette, in essayo pas d' s' énoquer ...
ah chti qui s énoquo i avo dro aux moqu' ries des zautes, savez du genre "té cor eune mauviette ti"
l aute avo bin essayé d' dire qui avo un cat dans la gorche, i éto pas intindu, moqué par les zautes, sous les railleries et les moqueries ......
in faijo cha discret'mint, souvint in attindo d' et' sous ch' pitit pont, là du qu in pouvo moins nous vire, pasque savez, yavo toudis radio coron ...
"radio coron" , savez quand qu in s' promène à eune dizaine d jones, cigarette dins l' bouque ou à la main, yavo souvint un mononque, eune matante, pire eune voisine qu in quéyo d' sus ach' momint là .....
souvint même in attindo d' et' dins l' sentier des tombelles, l'voyette qui permetto d' arjointe la rue de Denain en longeant l école loubet ....
chéto eune large voyette , bin raide, mais avec l avantage qu in pouvo vire d' loin si yavo quéqu un qui arrivo ......
dins ch' groupe , i n avo qui avotent te pas peur, et qui avotent un sacré culot ...
suffijo qu in arriffe au niveau du château de l administration, qui n a un qui d un coup allo donner un grand coup d' pied dans eune porte ....
cha faijo un sacré bruit ......
l' temps qu on réagisse, l aute i nous avo dépassé et s éto enfourné rue Jean Baptiste Petit ....
nous in avo intérêt à pas trainer vu que cha allo ameuter ché gins ......
chéto vache d' faire cha, pasque fallo accélérer d un coup pi s engager dans l' montée du p'tit pont pour débouler cor dins l' montée plus raide de la rue de la gendarmerie ..
dur dur pour ché mollets et pour le souffle, j allo pas vous marquer que j' éto dins ché premiers...
plutôt à la fin du groupe, et derrière i n avo cor 2 , des "gros plein d'soupe" comme in dijo, que pour eux chéto un calvaire de devoir monter dins ché tours ....
arrivés presqu in haut de la sente des tombelles, in arrêto d' faire ché babaches .....
in avo jeté ché derniers mégots.....
chéto aussi l' momint d' la distribution d' la boite d' réglisse, ou d' bonbons d'mineurs ...
in éto persuadé que cha suffiro pour que ché parints i sintent pas l' finquée.....
ah ché jones .....
( 1 photos)