les hortensias
par minloute le, 23/06/2019in parlo d' gardin, in auro du dire potager .....
ch'éto l' domaine du mineur, i s in occupo tant qui pouvo...
d ailleurs in dijo souvint " ah intel , y est pas bin, ch'est pu li qui rinte sin carbon et qui fait sin gardin"....
autant dire qui n 'avo pu pour longtimps ....
mais faut avouer que dinch' gardin yavo toudis un coin, un tchiot coin qui teno plus d' la décoration ......
bon après ch' mineur jardinier i li trouvo aussi sin compte, chéto souvint ch' coin l'plus ombragé du qu in metto ché fleurs pour grand mère .....
celle qu in voyo l' plus chéto l ' hortensia, savez ch' grand massif qui habillo tout un coin dech' mur ....
al' mason in navo pas, mais j in voyo souvint so à mon d' ché camarates, ou in allant vire Clara ......
j avo pas trop ker ch' te plante , d abord j el trouvo pas naturelle ....
j avo eu du maux à croire mais souvint in verso à ché pieds del poude pour qui so d' couleur bleue.......
fallo toudis aussi avoir un eule d' sus surtout si y éto pas planté à l ompe, quequ' jurs d' solel et pas arrosé, té voyo ché fleurs qu ale prenotent un sacré coup d' louchet ....
l arrosache aussi in l arroso pas avec l io du robinet, nan malheureux ,l' hortensia ch'est avec l io d' pluie , pasque cha a pas ker l' calcaire ...
et chez nouzautes, ch est pas l' calcaire qui minquo dins ché toyaux .......
pi voyez avec l' temps, j in a mis dins min gardin, signe am'mote que mi aussi j' vieillis....