cha sint l'iote .....
par minloute le, 14/07/2019gling gling, qui fait le câble du mât fixé au dessus du poste de sauvetage de Merlimont plage
toit du poste de sauvetage qui sert aussi de promontoire face à la mer
y a du vint disotent certains, cha sint l iote in disotent d autes ......
in est au matin, ché crs sont pas cor arrivés, les volets in bo sont cor in place, le tableau ardoise est encore vierge....
faudra attinte qui zarriffent pour qui le rimplisse .....
marée haute à telle heure, basse à telle heure, ch' coefficient d' marée, la température dins l'iau et au dehors ....
pour l'instant ch'est pas la préoccupation d' tous ché gins qui sont appuyés su ché barrières such' promontoire .....
nan ! t artire pas tin quaouay .... mais j ai caud ...... nan y a du vint .... té veux aller t'baigner ch' t après midi ! bin tiens te tranquile sinon j' va l' dire à papa .......
n'avo toudis un qui éto grimpé du qui yavo l' longue vue, et qui faijo semblant d' vire au loin, sans avoir mis eune pièche sul' coté ......
ch' est marée basse, au loin in vo ché courageux qui sillonnent l' bord du rivache avec des épuisettes à crevettes ...
pas loin, des jones font des châteaux in sape, qui dans eune heure seront pu qu'un lointain souvenir, vu que la mer ale aura arpris sa marche vers le bord
j avo ker raviser ché ilots d' sape disparaitre tout duch'mint, d' vire aussi ché gins quequ'fos surpris par la montée, qui armontotent ché bords d' marronne, et qui traversotent les chaussures à la main .......
yavo aussi ché tchiens qui courotent après un baton que leur maite i leur lançot
d' autes partotent d'un coup comme des zébeulés pour essayer d'attraper ché mouettes, qui attindotent ch' dernier momint pour s'involer in groupe, pour aller s'arposer cent mètes plus loin ......
in voyo bin Stella, et au loin les falaises, et d' l'aute coté ché batimints des hôpitaux maritimes et le phare de Berck
cha voulo dire que l'lendemain cha risquero d' ete couvert .....
mais cha in s'in occupo pas, in profito du momint qui vient
in éto nombreux à v'nir au matin rin que tout le long de l'esplanade
in intindo le clac clac des tongs....
pi aussi hélas le clac clac ... du tac tac, savez ché 2 boules arliées par un fil et qu in faijo claquer l'une cont' l'aute .....
aller faire un tour à la mer au matin chéto comme un avant gout d' l'après midi, sur, qui fallo vraimint qui fasse bio pour vire grinmint d' gins s' baigner avant midi ...
mais j' vous jure, cha arrivo ......
alors là chéto génial, quand qu'in allo à la mer au matin et qu'in pouvo s' baigner ......
in rintro al' mason pour minger, in donno tout d' suite sin maillot d' bain pour l' faire tremper et l' faire séquir, et après minger in pouvo larmette pour aller s'arbaigner
oh là attindez, croyez pas qu'in artourno tout d' suite s' baigner ........
ch' maillot d' bain y avo l' temps d' séquir ....
souv'nez vous, fallo bin attinte au moins deux heures après minger pour avoir l' drot d'artremper ses ortiaux dans la mer ....