la fronde
par minloute le, 15/08/2019ch' meme camarate i veno avec nous au catéchisme, enfin comme diro l aute " épisodiquement" ......
sur qui parto des' mason tous les jeudis matin pour faire ch' parcours avec nous, mais eune fo sur deux i s arreto en bas d' la sente des tombelles ........
et in l artrouvo souvint place lherminier quand qu in arsoto du cours de Soeur Marthe .....
quand que j' dijo que chéto eune famile tuyau d' poele as' mason , ch'est qui avo toudis dins ses poques tout c' qui pouvo et' interdit ou que meme qu in connaisso pas et qui ne pouvo que nous étonner ...
i avo des frères plus grands ,et am' mote qui devo par momints leur "emprunter" des chosses pour nous les montrer et faut dire aussi nous impressionner
j' vous en fait un inventaire à la Prévert :
coutiau à cran d arret , coutiau de lancer ( i nous in avo fait eune démonstration pas trop convaincante mais rin qu à vire le coutiau dins sin étui en cuir et la longueur d' la lame in éto tous bouque ouverte )........
eune chevaliere avec eune tete d' mort dessus (ah j in auro voulu in avoir eune )
des bandes dessinées , commint qu in pourro dire "troublantes " pour des zéfants de 8 à 10 ans....comme diro l aute j' vous fais pas un dessin....
un coup meme , mais i nous a d abord fait promette d' jamais n in parler, ya ramené un révolver, un vrai ....
dins la montée de la sente des tombelles, à l abri des regards indiscrets, nous tous in rond, dins un profond silence, in a eu drot chacun sin tour,d'es passer l arme , vinguette que cha paraisso lourd ......
le coup qui nous avo l' plus marqué, i nous zavo sorti d' sin mantiau, eune sacrée fronde , et faut dire que ch' t animal le moins qu on puisse dire ch'est qui savo s in servir ...
la preuve , in arrivant presque in haut del voyette, ya eu s' n'heure d' gloire , i s a mis en retrait et y a visé eune farniete d' l école Loubet Filles, qui nous dominait de par dessus un mur
premier tir raté, second tir, rin qu à intinte l' bruit des vitres qui avotent éclaté, in savo qui avo fait mouque ..
pour nous in a eu l impression que cha avo fait un boucan du diape et que tout ch' coin i l avo intindu ...
comme eune volée d' moniaux in a tous partis et eune fo qu in s éto artrouvé au coin de la rue de Denain, in a pas d' mindé not' reste et in a tous pris rapid'mint la direction d'à nos masons
j' dos dire que l' coup d aprés quand qu in a armonté du catéchisme, in a passé par la cote des grands bureaux .....