les bios mots d' la langue française ....
par minloute le, 27/10/2019Bernard, ch'est en lisant ch' mot " gibecière" dins tin sujet que j a eu un viu souvenir qui m'est arvenu
prenez vot' cahier de vocabulaire .... qui dijo ch' maite ...
ah in s attindo à tout, pasque les régues d' vocabulaire chéto du ginre " gna gna gna gna gna gna ....SAUF untel qui print pas d' s, ou qui print un x au pluriel , qui est au féminin alors qu on s attindro qui so au masculin ....
qui a un accent circonflexe, sans parler qui faut pas s' tromper dans l' sens des accents ........
ah in a hésité , et j' do dire y a des momints cor, pour savoir si in do mette 1 seul n ou 2, 1 seul l ou 2....
sans oublier 2 mots pour mi magiques, pasqui pouvotent s écrire d' deux façons différentes ......
la clé et la clef .......
la cuillère et la cuiller ......
sans oublier que certains mots chéto vraimint dur j' me souviens de " la yourte plantée non loin de l'isthme".....
au delà d' cha , quand qu asteure in a ker employer des mots inglais à not' sauce, j avo ker le son d'certains mots ...
j' me souviens qu in éto passés des mots de 2 syllabes , à 3 , pi quate ........
quo qu' cha sonno bin à nos zorelles des mots comme "gibecière", "carnassière", "soupirail" et bin sur le fameux "épouvantail" ...
mot qui dijo quéquosse à tout l' monte , vu qu in in voyo régulier'mint dins ché gardins des mineurs pour effrayer ché mouchons .....
personel'mint j avo ker le mot "périssoire"...qu in implo pu que rar'mint d ailleurs...
que plaiji d' vire ch' maite artourner ch' tableau et nous dévoiler ché nouviaux mots qui y avo écrit, d eune écriture parfaite à la craie ..........
à nous après d' les noter, "sans faute" qui dijo ch' maite à chaque coup, et i ajouto "pas la peine d apprendre des mots avec des fautes " .....
cha nous arveno comme eune rengaine, mais faut dire qu à forche, in s appliquo à bin les zarcopier ...
in les zarcopio pas dins zin cahier , mais dans un tchiot carnet ..
un tchiot carnet à spirales mes gins, ah j' m in souviens bin des mots qui fallo apprinte par coeur, et faire ensuite réciter as' mère , la veille d eune interrogation .....
en l écrivant j' em dis que j' voudro bin m artrouver devant la toile cirée d' la table d' la cuisine, et meme rintinte m' mère me tendre ch' carnet et m' dire " révisse té les sais pas cor"........