instrument de musique de notre infance
par minloute le, 24/11/2019quo qui a comme point commun entre ch' pot d' champe et Mozart ?
pas facile au premier coup, même ch' musicien y a l' air d' grinmint busier .....
en fait , ch'est que tous les deux i zont interprété "la petite musique de nuit" comme dijo min père .....
petite musique ......
quand que j éto tchiot et que j' dormo dans l' meme champe, chéto fréquent que , dans min sommeil, j' intinte le fameux "blingue blangue blongue blangue blingue blongue " ....
quand , min père , en pleine nuit , i s 'levo pour soulager sa vessie ........
mi aussi j in avo un , en plastique , cha faijo moins d ' bruit ,mais comme m'mère ale éto cheftaine dans la lutte conte ché bactéries , quand que té soul'vo ch' couverque, y a des coups qu ale avo pas été radine avec l' io d' javel , ch'est l'moins qu in pouvo dire ..............
mais j' y dijo pu, pasque un coup ale m avo dit , bin si t es pas contint, té déchind'ra in bas ........
cha m avo arfroidi ....
savez quand qu in a 6 8 ans , déchinte tout seu in bas , que dans l escayer la nuit j éto persuadé qui yavo un vieillard qui monto indéfinimint ché marches la nuit .......
rigolez pas, j intindo craquer ché marches par momints, surtout quand que j éto cor tout seu in haut ........
pi m' mère un coup ale a sorti l argument massue, "au lieu d' raler pour l io d' javel , té fero miu d' pu pisser au lit" ........
ouais j' do avouer que j a eu du mau à perte s' t habitute ....
( 2 photos)