le paté Caby
par minloute le, 22/12/2019faut pas croire que ché tranches d' patés acatés au marché , cha nous faijo la s'maine.....
. ch'éto quand meme pas donné, et in l apprécio vraimint le week end ..........
et l' reste d' la semaine , au soir , in mingeo souvint cor del charcuterie ......
eune tranche d' jambon acaté à mon Omer ch' boucher , du saucisson frais à l ail, vinguette qui éto bon .....
mais m' mère ale acato cor souvint du paté d' chez Caby , paté qu ale trouvo à la Coop ......
i n avo de 2 sortes, ch' paté là que j a mis l' photo, yavo aussi du paté de foie ..............
souvenirs d' soirs d hiver, volets freumés, vint qui soufflo, nous bin au caud à tape, vu que ch' fourneau i donno sec avec ch' vent qui s ingouffro dins l' quéminée ....
souvenir de pétotes à l io ou pétotes au four, accompagnées du paté Caby..........
j a ravisé c'que cha deveno comme marque, bin l avenir i parait "un peu" sombre ........
et pourtant Caby chéto eune marque d' qualité ...........
et j a meme eune anecdote qu ale m avo été racontée un coup que j éto à l hopital miyeu des années 70,pour un assez long séjour ...
ch' voisin d' lit im' raconto que' sin frère i travaillo chez Caby, et qu un coup i avo eu tro dogts qui avotent été happés par l'machine .....
et i comminto " ch'est pas pour cha qu in a j'té la production , cha a été broyé avec l' reste .... j' vous l'dijo que ch' paté là i t'no au corps ......
( 1 photos)