les chocolats à la liqueur
par minloute le, 22/12/2019in' a ou i n' a pas ? té z' as gouté ? té sure?
cha chéto à l époque d' la nouvelle année, du qu in avo del visite al' mason , et que ché gins i ramenotent des boites d' chocolat in cadeau ....
quand que té busies un tchiot peu , té peux t'dire que pour chti qui l offre , bin y en profite aussi ....
in t offre eune boite d' chocolat, bin teut' sint obligé d' l ouvrir et del partager ou tout au moins d' l entamer avec chti qui l a offerte ..........
minloute y éto là , au coin del tape ...... in fait j 'cro que j' préféro cor plus la présentation que ch' chocolat par li meme ........
j avo ker raviser commint qui zétotent disposés, et pi c' que ch' morciau i arprésento ....
un coeur, eune buche, un losache .......
sans compter quequ' zuns dins l boite qui étotent imballés dins zin papier d' couleur ..........
cha souvint chéto signe d' danger ....... ......
soit yvo eune cerise d' dins, beurk beurk beurk ou cor pire avec d' l alcool d'dins, ou cor cor pire si yavo eune cerise pi l alcool avec ...
alors quand que té croquo d' dins et qu' d un coup t avo l' bouque remplie d' liqueur , que té resto comme un benet à pas trop savoir faire , pas avaler , pas vomir, s' lever discret'mint pour aller l' cracher dins l' poubelle ...
( 1 photos)