le shampoing aux oeufs
par minloute le, 22/12/2019allez ! pinche te in avant minloute ! freume tes ziux , j' va mette ch' shampoing .....
oh mes gins j' m arvo plus d' 50 ans en arriere, sul' pointe des ortiaux, l' tiete pinchée en avant vers ch' grand évier blanc d' la cuisine ......... pas d' salle de bains à ch' t époque là , faudra attinte ché fameuses "rénovations" pour, enfin , plus d' 10 ans plus tard , profiter d eune baignoire avec douchette ....... asteure cha parait plus que normal pour ché jones, , mais nous in a connu ché bassines pour s' laver l'derriere, pi l' évier pour s' laver les caveux ...........Asteure ché shampoings savez vu, ch'est tous soit disant à base d' produits exotiques , venus d' ' aute coté d' la planete pour bien laver tes caveux ... in est pas dupe, y a pas grinmint d' vrais produits exotiques, ou alors à des doses infinétisimales ................ NAN , nous à l époque cha veno pas d' si loin, ch'éto "AUX OEUFS" ......
vous vous souvenez ? ché grantes bouteles d un lite acatées à la COOP? "aux oeufs " mes gins , rin que du naturel ....
cor que yavo d' quo douter .... sur que quand que t ayonno l' boutele chéto tout visqueux d' dins, mais quand qu in y pinse, pourquo qui fallo SURTOUT PAS ouvrir ché neules quand manman ale metto ch' shampoing sut'tiete ?....
am' mote qui devo y avoir eune sacrée dose d' détergent dins l' produit ........ minloute ROUVE PAS COR !!!!!! j' va verser l io asteure pour rincer ...
mi j avo du maux à mes mollets à forche d' rester comme cha en équilibre....... pi cha duro ch' t affaire là .....
enfin , yavo l' serviette pour que t' mère ale essuie ché caveux ........
minloute TE SAUVE PAS !!!!! y cor ch' peigne à passer .....
vieux souvenirs tout cha .......presque d un autre temps
( 1 photos)