L'églisse ed Berlancourt
par gabriel le, 14/02/2020El comte Devoisier avot come idèe de déplacher l’églisse de Berlancourt qui s’ trouvot dans le parc du câtiau pou l’placher dans l’allèe du câtiau. Pou ch’t’ouvrache-là, i avot trouvé dans l’villach quéques lapites (travailleurs courageux) pou faire l’traval moïennint un pétit salare (salaire) bin-seûr ! El cantier i avançot tranquilmint et sans russes (difficultés) pourtant démanoquer (démonter) et (manoquer) remonter eune églisse n’étot pàs rin.
Stapindant (Cependant en picard) , un jou monsieur l’comte i vient su l’cantier pou saluer ches gàrs et vir que tout i avinchot bin. Tout allot bin pourtaint quéque cose l’embiêtot : el parlache des gins qui machurotent (maltraitaient) et traitotent leus biêtes.
« Droule ed brin, miar ed brin, pourrisse ed boudet, berzilleu d’coules,... » sans paler de jurons « Vindious, Satibleu, ... »
Alors M. Devoisier i va vir el chef du cantier et li dit : «
-Bravo, vous faites là un beau travail mais cependant quelque chose me chagrine.
-Et quo monsieur l’comte ?
-Vos gens disent trop de grossièretés, jurent et maltraitent leur animaux. Je me demandais s’il était possible de faire preuve d’un peu plus gentillesse avec les bêtes surtout que je vous rappelle que nous travaillons sur un édifice religieux.
-Bin seûr monsieur l’comte, j’comprinds bin. Mainnant mes gàrs front attintion. Os avez m’parole.»
El comte arvient eune semainne pu tàrd pou vir l’avinchèe des travaux. I constata que cles biêtes étotent miux ménèes et qu’in leu palot pu avec rudestè. Stapindant i fut surpris d’vir que l’cantier n’avot pon avinché. I va vir el chef d’ch’cantier et li dit : «
-Je vois que vous avez suivi mes recommandations et je vous en remercie. Pourtant je suis surpris de voir que le chantier ait peu avancé. Avez-vous des malades dans votre équipe ou vous manque-t-il du matériel ?
-Nan M. Devoisier, tertous est là et in minque ed ren. Ch’est jusse que dpuis qu’in est gentil avec cles biêtes, alles ne veultent pu travaller.
-Ah c’est donc ça ! Et bien repreniez donc vos anciennes méthodes. »
Gabriez Caux
Cette histoire est bien sûre romancée mais plus de la moitié est vraie.
Retrouvez cette histoire et d’autres sur « Banque chtimi »