histoires-de-chtis® depuis le 20 février 2005

 

 

Les 60 dernières histoires


  LES NOUNOURS (11/09/2020)
  BERCK 2020 SOUVENIRS (03/09/2020)
  ESCURSION IN BELGIQUE (27/08/2020)
  au temps du bio, du qui sont ... (25/08/2020)
  pour alimenter radio coron ... (23/08/2020)
  MIN PREMIER PICHON 3ieme partie (14/08/2020)
  PEQUE A SAINT VALERY partie 2 (07/08/2020)
  PEQUE A SAINT VALERY 1ere partie (04/08/2020)
  Cocu (03/08/2020)
  LES COUPS (31/07/2020)
  Bruay en Artois 1935 (26/07/2020)
  bibilolo de Saint Malo (26/07/2020)
  VOYETTES partie 2 (23/07/2020)
  VOYETTES partie 1 (20/07/2020)
  EPILOGUE : LES COMMERCANTS (08/07/2020)
  PARFUMERIE DELERCE (02/07/2020)
  Jacqueline la bienfaitrice (28/06/2020)
  VETEMENTS MARCHAND FRERES (26/06/2020)
  LE CINÉMA CASINO (22/06/2020)
  IN ARRIVANT AU CERCLE (19/06/2020)
  cha a bien cangé (16/06/2020)
  DU BALATUM OU DU LINO (13/06/2020)
  IN VA CANGER L TAPISSERIE (08/06/2020)
  DERNIERS COMMERCANTS AVANT LE LYCEE (01/06/2020)
  LIBRAIRIE POINT VIRGULE (28/05/2020)
  VERMELLE et DUCOURANT (23/05/2020)
  El doctor et s'passiente (20/05/2020)
  PATISSERIE BOUCLY (19/05/2020)
  Sujet fille de : retour de Merlimont 72 fin (11/05/2020)
  El confinemint (10/05/2020)
  retour Merlimont fin aout 1972 fin (09/05/2020)
  retour Merlimont fin aout 1972 (09/05/2020)
  100 ZARTIQUES (02/05/2020)
  siffler ou siffloter ? (26/04/2020)
  La lampe au chapeau (23/04/2020)
  MEDICAMINTS D AVANT partie 2 (22/04/2020)
  la télé et le confinache ... (22/04/2020)
  Abalourd a les pieds lourds (18/04/2020)
  ch' confinache (15/04/2020)
  PHARMACIE DUBOIS (14/04/2020)
  CONFINACHE (08/04/2020)
  Quo qu in mingeot dins ches corons partie 2 (04/04/2020)
  Quo qu in mingeot dins ches corons partie 1 (31/03/2020)
  asquident à mobylette (30/03/2020)
  à vos masons (29/03/2020)
  UN VIUX pinsées filozofiques (25/03/2020)
  BOITE A TOUBAQUE (23/03/2020)
  BRIQUETS (20/03/2020)
  TINCHON quincaillerie (11/03/2020)
  SPAR INGELAERE le billet a commissions (04/03/2020)
  LEROY Tissus et Rideaux (29/02/2020)
  Précisions concernant des messages trouvés dans le livre d'or (25/02/2020)
  i vont arvenir ch'est sur .... (23/02/2020)
  CHALMIN (22/02/2020)
  un joyeux anniversaire (20/02/2020)
  les 15 ans du site suite (19/02/2020)
  LES 15 ANS DU SITE ! (19/02/2020)
  L'églisse ed Berlancourt (14/02/2020)
  30 ans de mariage ... (09/02/2020)
  AUTOS NOREV ET BAIN DU SAMEDI (09/02/2020)

Vos histoires


Proposer un article

Livre d'or


Ecrire dans le livre d'or
Lire les messages du livre d'or

Derniers messages :


 mememarie ( 02/08/2020)
Bonjour, Je découvr...
 Drit79 ( 08/02/2019)
Mon dernier écrit ic...
 michel.gervois@neuf.fr ( 07/10/2018)
Bonjour à tous les B...
 dufossez jean ( 24/09/2018)
Bonjour les potes J...
 bob 38 ( 22/09/2018)
Bonjour a tous , chu...


Liens
Histoires de chtis sur votre site
TINCHON quincaillerie
par berlens78 le, 11/03/2020  

Après le SPAR, y’ avot l’ boutique Tinchon, chétot eune quincallerie. Mais là aussi, que quincallerie ! Té poussos l’porte et té t’artrouvos devant eune grande allée centrale bordée d’étalaches et d’armoires à tiroirs qu’in n’in véyot pas l’bout ! Cha continuot tout drot jusque dins l’ arrière boutique pis cor dins l’cour et l’arrière-cour… Par terre chétot du biau carrelache noir et blanc et cha sintot l’cuir là-d’ dins ; pis cor plein d’autes zodeurs d’ résine, d’ caoutchouc, d’ térébenthine…. Y’ avot jamais grand monde passe que chés gins i zacatotent moins d’affaires qu’asteure pour bricoler. Ché pas qu’i bricolotent moins, nan, au contraire, mais i zavotent des outils inusabes qui s’ passotent éd’ génération in génération. Et des pointes et des vis, i n’avotent des stocks dins des boites in fer qui zavotent récupéré à l’ fosse ou jé n’ sais dù …

Monsieur Tinchon i’ étot seul maîte à bord et i n’avot pas b’soin d’assistant. I’ étot toudis sapé dins eune grande blouse grise, avec eune poche in haut pou mette sin crayon et sin carnet pou chés calculs. I n’étot pas souvint à sin comptoir qui étot à l’intrée dé ch’ magasin. In pouvot cacher un momint dins sin capharnaüm avant dé l’trouver. In rintrot ; personne ; in attindot ; personne ; in artournot à l’porte l’aillonner deux trois fos pou faire tinter l’ clochette. Toudis rien. Alors in s’ risquot à aller l’ trouver au fond, dins l’ cour, qui étot in train d’ ringer des boutelles éd’ gaz ou d’ déquerquer des caisses à outils.

I’ étot du genre « pince sans rire », frod comme un mappe, distant et amiteux in minme temps, élégant ; i t’ sortot des questions ou d’ zhistoires qu’ té mettos chinq minutes à t’in r’mette, comme si i n’avot pas gramint d’ distractions dins s’ boutique et qu’ i faijot sin cinéma tout seu. Mais alors , li aussi, que puits d’ science ! I savot tout sur tout ; in cordonnerie, in menuiserie, in plomberie, in électricité, … Et in trouvot tout dins sin magasin, aussi bien des machins d’ l’ancien temps qu’ chés dernières nouveautés. J’y allos souvint avec min père et j’ les acoutos parler bricolache. Des boulons d’8 ; des clous sans tête, du fil à dénuder, du mastic … Des mèches pour és’ chignolle à main … Y’ avot pas core gramint d’outillache électrique à ch’ momint là. Chés nouviaux modèles i comminchotent à arriver et Monsieur Tinchon il les exposot au mitan d’ sin magasin : des scies électriques, des percheusses, des martiaux piqueur … Des tondeusses à gazon jé m’rappelle pas ; j’ cros pas qu’i in vindot passe qu’ à Bruay, dins chés gardins, y’ avot pas cor d’ pelousses : chés gins i cultivotent des légumes et dins chés catiaux des Houillères, i zavotent des jardiniers.

In allot aussi i acater des boutelles éd’ gaz pou’ l’ gazinière qu’in a eue pus tard. Cha chétot eune vraie corvée ; in savot jamais à l’avanche quand chétot qu’alle allot quère in panne ; et comme un fait exprès, chétot justemint souvint l’ diminche, que m’ mère alle comminchot à cuire ses frites dins l’ marmite à gras d’ boeuf , que l’ flamme alle comminchot à tourner d’ l’ oeulle pis à s’éteinde. Et l’ diminche, Tinchon i’ étot fermé ! Alors in allot in demander eune à prêter à l’ voisine, Madame Massinon.Cha chétot au début qu’in n’avot qu’eune boutelle, après in n’ avot toudis eune d’avanche.

Pour aller in quère eune pleine amont Tinchon, chétot pratique passe que chétot tout près à 30 mètes délle baraque. Mais avec mes frères, in s’ battot pas pou y’ aller !.. Malheureusemint ch’ trottoir i déchindot qu’alle étot vide et i’ armontot qu’alle étot pleine !... Soit in l’ portot à deux mains in s’arrêtant tous les trois mètes, soit in s’ mettot à deux pou l’ pousser et l’ faire rouler mais attintion à ch’ caniveau !

J’y allos des fos aussi pour racater eune ampoule, ou des fusibes in porcelaine qui zavotent fondu, pis des pointes. I n’avot des tiroirs et des tiroirs rimplis d’ pointes, d’ tous les sortes. Pis des vis. Des fers aussi qu’in clouot sur chés semelles éd souliers pour qu’alles s’usent moins ; des talons in caoutchouc à coller.

Y’ a eune paire d’années chétot ardév’nu eune cordonnerie à l’ ancienne ; et asteure, cha a l’air fermé ; l’ cordonnerie à l’ancienne, alle a déménagé à côté.. (Photos 1 et 2)

Des quincailleries comme cha, i n’in reste pus à Bruay ; l’ dernière alle étot quartier d’ la gare au 6 rue Louis Dussart, à côté dé ch’ passache à niveaux. OUTILLAGE / QUINCAILLERIE BLIDA : l’ boutique là alle avot été fondée par Éliane et Robert Blida in 1954, l’année dé m’ naissance ! J’y ai été y’ a deux ans qu’alle étot cor ouverte, j’avos été servi par eune vielle femme qui avot l’air d’ bien s’y connaîte ; et sin magasin cha m’a rappelé Tinchon : tout in longueur parelle qu’in n’in vot pas la fin, des comptoirs in bos, des tiroirs tout partout, eune vraie caverne d’ Ali Baba… mais l’ dernière fos qu’ j’ai passé d’ vant cha avot l’air fermé aussi. (Photo 3)

Cha a fermé in avril 2019, que l’ femme Blida alle s’a décidé à profiter dé s’ retraite à pus d’ 80 ans ; et i zont quand minme eu l’honneur d’ un artique dins la Voix du Nord.

Comme cha i n’a pus des quincailleries à l’ancienne ; débarrassé d’ tous chés viéz’ries ! Plache au progrès ! Tous à Leroy-Merlin !

Mais ché pas à côté. In peut pas y’ aller à pied … Et in n’y va pas non pus pour faire élle conversation …


  ( 3 photos)  


Contact | ©2005 histoires-de-chtis®.com - Webmaster : Gold77 - CNIL : 1075910 - 3 visiteurs connectés - Qui est connecté ? |