ch' confinache
par minloute le, 15/04/2020Mes gin bonjour ,,,
j' a vu ch' matin qu in avo été plus d' 36 millions hier à raviser not' président al' télé ,,,,,,,,,,
loin d' mi d' vouloir polémiquer,,,, y a djà assez d' espécialistes al' télé, dins ché foyers, pour donner min avis , pour essayer d' vous convainque d' chi ou d' cha ,,,
ch'est un peu comme sur l' arnitoile d' Facebook, avec tous ché messages pour vous convainque qu untel y est chichi , chtila tout pourri, et ch' dernier pas miu qu' li ,,,
intre nous si à nos zaches in n ' a pas d avis et qu in s' laisse influencer par l avis d' chacun ,,,,, comme diro l aute , inch' momint , ché pas ché leux qui minquent la nuit pour hurler ,,,,,,
arvenons au discours, pour un coup in éto calés dins ch' canapé grand mère et mi ,,,,
nan ,nan croyez pas cha yavo bin 1 ou 2 cats pi 2 quiens internouzautes, ,,,,
in discuto, in discuto, pi d un coup, garde à vous !!!!
in intind la Marseillaisse ,,,,,,,,
miraque d' la technologie, ch' texte i s' metto in d'sous dech' Président à eune vitesse , qui a un momint i allo plus vite qu li
mi j acoute d eune orelle, merci chitichi , merci chtilale , in auro pu , in auro du , in va faire , y a eune bande d' bricoleux avec mi ,,,,etc etc
mi j attindo d' savoir l' date d' la fin du confin'mint ,,,
vlà ti pas qui dit « le 11 mai » , mi j'em dit , « bon cha va ch'est cor trop pas loin » ,,,,,,,,,
j' m arleffe et j intinds grand mère qu ale dit « bin merte cor un mois à rester d'dins l' barraque » ,,
« quo un mo » que j y dis ,,,,,,
bin ouais hein , le onsse , ch' est dans un mois ,,,
savez j' su pas cor al' retraite , mais comme cha fait plus d un mo que j' su al' barraque, j' a presque pris ch' pli des zartraités, à pu savoir l' jur qu on est, et d' savoir vraimint la date qui est ,,,
« cor 1 mo chi ? » que j' m a dit dins m' tiete, mais savez grand mère am' conno par cœur, am' dit « bin ouais minloute , faudra cor t' supporter 1 mo »
mi j a rin rajouté, j auro aggravé min cas , comme ale auro dit ,,,,,,
mais dins m' tiete j' eme dijo « bon t as t'nu un mos, t as tondu, t as fait del peinture, té peux pu couper ché haies vu que l' déchetterie ale est freumée , t as ringé ch' garache d' fond en combe,,,,
QUO QUE J VA FAIRE DURANT COR UN MO AL BARRAQUE » ,,,,,
j a arfait un tour du gardin, j' a vu des chosses cor à faire, que cha allo m' printe beaucoup d' temps pour pas grand cosse, ch'est pour cha que j' les avo mis toudis d' coté
j'espère vraimint qu in va in sortir à partir du 11 mai mes gins ,,,,
pi après j'em dis, t as un gardin ? Ouais , t as des bons voisins ? Ouais , tout l' monte i s intind bin al' mason ? Ouais
alors j' va printe patience, et j' armercie ch' bon dieu, j' sais pas si y existe, ou pététe que j' devro armercier ch' virus directemint ,,, pasque j'em dis deux chosses ,,,
in brait in brait ,mais quo que cha peut et' en comparaison avec l envahissement, l occupation et la libération d un pays ,,,,,,,
PI SURTOUT , quand qu in vo que ché tchiots sont pas grimint touchés ,j' em dis , dans not' malheur , ch'est déjà BEAUCOUP ,,,,,
ALORS , avec grand mère , in s a dit qu in allo pas disvorcer...