la télé et le confinache ...
par minloute le, 22/04/2020le confinache et la télé
le confinache,,,,, nan y a pas à dire, meme si ch'est loin d' ete facile, faut pas cor s' plainte,,,,,
in a la télé ,,,,,, asteure cha marche 24 heures sur 24 , 7 jurs sur 7 , 365 jurs par an, et surtout asteure y a la télécommande ,,,
cor que j auro du m' méfier , cha s appelle "télécommande" , in fait cha dit bin c' que cha veut dire , ch'est chti qui commande la télé qui s in sert ,,,
mi al' mason , ch'est pas mi,,, min camarate Marcel d' Somaing hier i m ' dit "bin té pas cor couqué" y éto pas cor 20 h eures ,,
d habitute j y suis, vu que j' peux pas approcher d' la télé ,,,
faut dire al' mason ch'est pas mi qui tient l' télécommante ,,, ch'est grand mère
quand que j' veux raviser quéquosse al' télé j' do rimplir eune demante en chinq exemplaires 2 mos à l avinche, que j' do li invoyer par courrier ,,,,,,
avec la formule savez comme dins ché jeux télévisés d avant "le cachet de la poste faisant foi",,,,,
zallez dire ch'est qu eune question d organisation,,,,
ouais, mais y a des conditions, pasque j' passe toudis en deuxième choix ,,,
alors ale lit la liste, ale leffe ses ziux après mi et ale dit " du foot !!! té rigole ti , des gins surpayés qui courrent après un ballon , ch'est non" ,,,,,
cha ch'est quel jour ? bin nan pas possipe , mi j' ravisse aut' cosse
j' prinds un exempe, l après midi ,,,,,,,,,,,
CH EST PAS LA PEINE D FAIRE DES DEMANTES , pasque ch'est s' n émission avec Sophie Davant qui prime ,,,
ah i n a des Zaffaires Conclues, mais y a des coups quand que ch' générique d' fin d' l émission i arriffe, ale va commincher à préparer à minger ,,,
c' qui nous inmene à des zheures pas possipes , comme 18h35 voire un coup 19heures ,,,
zallez dire que ch' est tot, mais mi au soir min vinte i dit "18h30" à tape ,,,,,
après y a l' soir , ah sur que j a l' choix j' peux raviser c'que j' veux ,,,
SAUF quand ch'est graisse anatomie ,,,,,,,,,
in pourro croire qu ale in aurro assez avec ch' coronavirus toute l' matinée sur tes chaines d' brin, que cha parle en boucle ?
bin nan !!!
bon après , tel aut' jour , ch'est Cole Caisse
des policiers qui artrouffent des gins d' zannées après, mi j a pas ker les séries américaines, j' ravisse pas
vendredi ch'est jur d' pichon , bin non al' mason ch'est Kokolanta,,,
j a beau li dire que ch'est toudis la meme chosse ale m écoute te pas ,,,,
nan ch'est pas vrai , ale m intind pas , chest pire
si ch est pas Kololanta, ch'est Pekin Express,
alors là ch' témisssion là j' peux meme pas in vire eune minute, tout y est faux , tout y est monté d' toute pièche
j y dis, mais ale m intind pas ,,,
ah j' peux raviser cha c' soir ? nan y a les p'tits meurtres d agathie christie ,,
savez l' série francaise , rin qu à dire cha t as tout compris ,,,,
sans zoublier sin camarate du diminche soir l inspecteur Barnaby
bon si in réseume cha m' laisse pas grinmint d' plache pour mi choisir ,,,,,,
in parlant d'pas grinmint d' plache, ch' canapé y est grand , mais y a bin 2 quiens et un cat avec grand mère
un coup j a voulu m assire, j' sais pas ch'ti qui a grogné ch' premier, grand mère ou ché quiens que j' déringeo ,,,
à peine si j' peux j'ter un neule al' télé du coin del' cuisine ,,,,,,
alors si j' veux et' honnete, j do dire que j a dro à raviser quand que j' su là, l émission sur tf1 le midi avec Jean Luc Reichmane et cor ,,,
j a dro à ses commentaires " i n ' a qui ont pas honte d' participer, ch'est truqué comme jeu , mon diu les cassosses, j' peux pas l' sintir Reichmane"
j a beau li dire qu in apprint des chosses, j a dro toudis al' meme réponse " bin cha casse pas tro pattes à un canard " ,,,,,,
ouais zavez compris , y a des coups j a l image, mais j a pas l' son vu que grand mère ale arrete te pas d' critiquer ,,,
nan zavez vu mes gins, quo qu' ch'est min calvaire quotidien ,,, alors mi j accepte ché dons, comme cha j' pourra m accater eune aut' télé, cor que ale sero cor capape d' em dire quo que j'peux raviser ,,