la boite à pharmacie partie 2
par minloute le, 04/10/2020l'pire d' tout, chéto la boutele d huile de foie de morue
ah vinguette, tous ceux qui ont pas gouté à cha , i zont eu d' la chance ,,,,,
commint vous décrire cha ? tout y est dit dins sin nom " huile de foie de morue"
bo minloute, ch 'est pour ti qui va et' grand ,,,,qu ale dijo m' mère en m' pinçant l' nez d eune main et en vidant l' cuiller dins m' bouque avec l aute,,,,
mon diu qu' chéto pas bon à boire cha ,,,,,,,
à boire qui éto pas bon non pu, chéto des ampoules
j avo ker vire m' mère printe l' tchiote scie qui éto fournie, et qui coupo l un des bouts , pi as' metto au d' sus dech' verre et d un coup ale casso l aute bout d' l ampoule ,,,,
c' qui fait querre ch' produit d un coup dinch' verre ,,,,,
chéto soit disant "à l orange " au moins à l orange amère qu in pouvo dire, pasque ch éto loin d' ete un plaiji à boire ,,,,
dins l'meme genre, la fameuse boutele d' synthol ,,,
ale éto d un austère, avec s' n étiquette noire, cha avo un gout bizarre
j' do préciser aussi ,,,
pour ceusses qui l' savotent te pas, j éto pas doué ,,,,,,
faire eune cocarde pour mes lacets, j a mis un temps à savoir les faire, que min père i dijo " j espère que té saura les faire pour tin service militaire" ,,,,,
et parel, pour faire un gagarisme , j éto pas doué, un coup sur deux , so j cracho tout d un coup sans raviser d ' où, pasque j arrivo presque à m énoquer ,,,,,
là que j éto un peu "chochotte" qu ale dijo m'mère, chéto pour printe des cachets d aspro
normal'mint té mets un cachet dins t' bouque, té bo un verre d iau, pi tout i s in va dins tin vinte ,,,
bin mi j y arrivo pas, ch' éto comme un blocage ,,
alors m'mère ale devo écraser ché cachets dins ch' verre , rajouter du chuque en poude, l io ,,,
pi ale touillo tout cha ,,
à mi d' boire cha d un coup ,,,, d' un coup qu ale dijo m'mère, mais i en resto souvint bin la moitié au fond du verre ,,,
ale artouillo tout cha , arverso de l io et à mi d' essayer d' tout boire ch' coup chi
dans un coin d' la boite à pharmacie, y avo ch' plateau d albion
savez du qu ale sont les ogives nucléaires d' l armée française ,,,
j' les vo cor ché suppositoires, que dis je comme diro l aute, des vrais zobus , as' deminder commint cha allo rintrer dins min derriere tout cha ,,,,,,
j' do vous dire que m' mère ale in avo des bonnes avec mi quand qui fallo mette ch' suppositoire
serre pas tes fesses minloute, j' peux pas l' mette
dépeche te, i comminche à fonde ,,,,,
allez allez cha va et' vit' fait , faut laisser passer l' fusée qu ale va partir dans ta lune ,,,,
comme diro l aute j' voudro pas m étende sul' sujet , mais chéto "la croix et la banniere" comme dijo m' mère ,,,
que dire dans l'meme indro, yavo ch' fameux thermomette
ah parel , pour que m'mère ale arriffe à m l intiquer, chéto pas gagné d avinche ,,,,
autres objets qui étotent rangés dins l' boite
ché pitits ciseaux pour couper le sparadrap et la pince à épiler,,,,,
après ,,,tout y éto pas noir quand meme ,,,,,,
j avo mes "chouchous" ,,,,,
d abord le camphre, manman ale acato cha sous forme de cube,,,,
après ale le couso dins un mouchoir , et après j' devo garder cha autour d' min cou ,,,
parait que cha éloigno tous les maux ,,,,, mi du momint que cha pouvo éviter d' mette eune fusée en orbite mi cha m allo,,,,
sans compter que j avo ker ch' t odeur de camphre ,,,,
un aut' produit miracle, chéto le biogaze bottu, vendu dins s' boite verte ,,
quelle bonne odeur, sans compter que chéto un sacré miracle, té t éto brulé , té metto d' sus la bande gazeuse, et d un seul coup t avo plus mau ,,,
ch éto magique
MAIS TOUT CELA N EST RIEN RIEN à coté du souvenir que me donne le vicks à chaque fois que j en utilise
pitit garchon enchiferné , calé au fond d' sin lit , et sa manman qui vient li mette du vicks tout délicat'mint su sa poitrine
si je devo décrire ch' momint là, ch'était que tendresse et amour ,,,,,,
ainsi va la vie , les personnes s en vont mais les souvenirs restent ,,,,,