la montée en classe
par minloute le, 07/10/2020la montée en classe
j' arvo cor , chéto à la fin des années 60, in éto dans la cour d' l école loubet au matin
ch' maite i vint d' siffler ch' rassemblemint par classe , à nous d' nous zargrouper, d' nous mette en rang et d' nous aligner ,,
par rang , pi dans l' meme orde qu in est réparti dins ché pupitres ,,,,,
cha li permet d ' éviter l ' argroup'mint des "oiseaux rares" comme i dijo ,,,
pi comme cha eune fo en classe tout l' monte i va s assire as' plache d un coup sans qui a des allers et venues ,,,,,
tout l' monte y est là, pasque ch' maite y a fait l appel, gare à ti si t éto dans la lune ach' momint là , té pouvo commincher d' journée avec un avertis'mint, pire devoir ardonner un bon point ,,,
vous m' direz i n a qui avotent te pas d' bon point, ceux là chéto avertis'mint direque ,,,
ch' l instituteu i a fait taire ché babelles, pas contint d' not' alignemint, i nous dit en patois " bras tendu fixe, revenez fixe " ,,,
am' mote qu in a pas du faire cha bin, ch' maite y nous dit " j veux intinte un claqu'mint, un seul" ,,,
bon nous faut arcommincher eune paire d' coups et si cha va pas assez vite i rajoute toudis en patois "saquez bande d' briles" ,,,
l appel i éto fait cha l impécho pas d' faire , un rapide passache tout en comptant , 2 4 6 8 10,,,,etc pour vire si arquéyo bin sul' nompe d éléffes des' classe
ch' coup chi cha a l air d' li plaire, i s ' dirige vers la grante porte vitrée
nouzautes in s'dit que cha peut qu' et' un adulte qui peut l ouvrir tel'mint qu ale nous parait haute et que des fos ch' maite i do donner un coup d' bassin pour qu ale s' ouvre ,,,
on rinte sans bruit, enfin on devro ,,,
et in comminche à grimper à l étage, tout en empruntant ch' viel escalier in bo
viel escalier, qu' à forche d' vire passer des générations d éfants, y a pris eune patine grisse ,,,
par chi par là y a meme des clous qui zarsortent ,,,,
"pour ceux qui sont mates , levez les pieds !!!!" " in diro un troupeau " qui préciso ch' maite ,,,
malheur à chti qui imito alors l' beuglemint d eune vaque ou l'bel'mint d un mouton ,,,,,
pinsez pas non pu vous aider d'la rambarde pour monter sinon t avo dro à " té djà mate ch' matin ?"
arrivés in haut such' palier à nous d' mette nos loques su ché portes mantiaux
comme cha commincho à cafouiller ch' maite i ardemindo l' silence, pi i dijo à ché premiers , savez ché fayots, d enclencher ch' mouv'mint et d' commincher à rintrer en classe
chacun artrouvo s' plache et donno un rapide coup d eule à ché tableaux ,,,,,
au centre, djà écrite à la craie depuis la vele au soir, la date du jour d aujourd hui
su la gauche , la carte géographique d' la France en relief ale éto d' sortie ,,,,
avec ses noms qui arsortotent in plus gros , MASSIF CENTRAL BASSIN PARISIEN ALPES ,,,,
in plus pitit Seuil du Lauragais , Camargue , Jura, Loire etc etc
j' la connaisso par coeur ch' te carte là, avec le massif central qui arsemblo ch' maite i l avo dit à un poumon, normal i éto au centre d' la France
les méandres de la Seine , juste à coté du nom PARIS écrit en grand ,,,,
su la droite i yavo un tableau artourné, mais in savo que derriere yavo djà l' leçon d 'orthographe d' prévue, et qu in auro dro en "intrée" à faire la traditionnelle dictée
pour l instant tout l' monte i s a assis, ch' maite i ardeminte ch' silence , en claquant s' régle such' tableau
cha calmo les ardeurs des derniers récalcitrants ,,,
i s asséyo alors au bout d' sin bureau tout en sortant d' eune boite eune fiche bristol cartonnée
chéto l heure d' la leçon de morale
i raconto eune brève histoire, à la fin i nous d' mindo not' avis, tout cha cha déboucho sur eune phrase du ginre " l alcoolisme est le fléau de la famile" ou "bien mal acquis ne profite jamais" ,,,
phrase qu in devo arcopier dins not' cahier , après y avoir écrit la date du jur ,,,
après , comme in éto rodé pour écrire , qu in avo utilisé ch' porte plume et ch' buvard ,,
in savo qu in allo imbrayer sul' fameuse dictée ,,,,,
bien vu tout cha cha comminche à faire plus d' 50 ans ,,,,,
50 ans ch'est rien et tout à la fois ,,,