ch' bouillon
par minloute le, 25/10/2020hé m'man ! tem' vo ?
bon bon, critique pas, ch'est sur cha a RIN a vire avec tin bouillon que té nous faijo
chti que té commincho tot au matin en épluchant ché légueumes sul 'tape del cuisine que d' sur t avo étalé eune grande page d' la voix du nord que t avo gardé pour cha
légueumes épleuchés, mis dans ch' grand faitout , que cha commincho à cuire dés 8 heures au matin .....
qu ach' momint là t armetto t' garbardine et qu' t allo querre ch' pain à la boulangerie
à ton r'tour, t allo j' ter un eule en soulevant ch' couverque
t avo l' temps d' printe tin pitit déjeuner
après t allo l' passer à l écumoire pour arsortir tout c' qui avo fait comme eune mousse
t armetto ch' faitout un peu plus près dech' fu....
après t auro tout l' temps d' cuire ch'riz tout en y rajoutant du bouillon ..
sans parler d' la sauce tomate que té préparo .......
in arrivo in carette d'la région parisienne, i faijo cru
vite in s' dépécho d buquer al' porte pi d' rintrer par l' coté
là teut' preno 30 degrés d un coup dins l' guiffe, tout cha avec l odeur de tous les légueumes dech' bouillon
té lé sinto, i zétotent comme al' parade, à bomber l' torse , à donner l'meilleu d eux mèmes
j' connaisso par coeur ta phrase m'man "cha cuit depuis 8 heures ch'matin" ... mi à chaque coup j' faijo chti qui trouvo cha extraordinaire
l' mien d' pot au feu, j' l'a fait al' cocotte, ouais j' sais ......
mais bon même si y est moins bien , on artrouffe une partie des odeurs qu in avo dins l'nez quand qu in arveno al' mason
et cha mes gins cha s' oublie pas