Alle est pas morte Sainte Barbe (B.Cocq-S.Colliez)
par Marie-Claire le, 03/12/2020Alle est pas morte Sainte Barbe
(Bertrand Cocq - Simon Colliez)
I s'sont tous arrêtés devant l'pitite statue
Io soul'vé lu barette et inl'vé lu béguin
In n'a même vu eune paire in s'essuyant les yux
Faire in p'tit signe ed croix comme cha machinal'mint
Et pis l'plus viu mineur a deschindu l'sainte femme
I l'a mis dins s'malette, l'a serré su s'poitrine
Et tous sont arpartis ténant lu lampe à flamme
Faijant eune procession au fond del gal'rie d'mine
Refrain :
Alle est pas morte Sainte Barbe, alle est pas morte
Même si tous ses éfants n'ont pus d'ouvrache
Alle veille incore Sainte Barbe, alle veille incore
Alle est core là pour donner du courache
Personne n'osot parler, attindant après l'cache
Un tiot serrot dins s'main comme un précieux trésor
Eune gaillette ramassée in quittant l'abattache
Pour dire à sin viu père té vos i n'avot core
Quind l'cage est arrivée, alors pou l'dernière fos
I z'ont baissé lu tête attindant l'cloche qui sonne
Et pis sont t'armontés toudis sans dire un mot
Intourant ch'viu mineur qui protégeot s'patronne
Refrain :
Alle est pas morte Sainte Barbe, alle est pas morte
Même si tous ses éfants n'ont pus d'ouvrache
Alle veille incore Sainte Barbe, alle veille incore
Alle est core là pour donner du courache
In arrivant au jour, tout l'monte i s'in rappelle
Ché mineurs i n' sont pas passés à l'lampist'rie
Tout l'troupe est arrivée devant l'pitite capelle
Et tous in loques ed' fosse sont rintrés, s' sont assis
Alors et pour toudis in a ringé l' statue
Toute blanque avec el trace des mains pleines ed' carbon
Et ché t'a ch'momint là qu'un galibot a vu
Deux larmes su l' Sainte Barbe qui brayot pour du bon
deux fois le refrain :
Alle est pas morte Sainte Barbe, alle est pas morte
Même si tous ses éfants n'ont pus d'ouvrache
Alle veille incore Sainte Barbe, alle veille incore
Alle est core là pour donner du courache
En lien la vie de Sainte Barbe :
Sainte Barbe une patronne vénérée
Vous trouverez également dans la rubrique "Ste Barbe, St Eloi, St Nicolas, Ste Catherine" de nombreuses cartes postales de Sainte Barbe:
Cartes de Sainte Barbe dans cette rubrique