cha y est j' su viu
par minloute le, 03/01/2021quand que té peux raconter l arrivée d' la télé at' mason ...
quand té dis que chéto en noir et blanc, qui yavo pas d' programme l aprés midi et qui avo que 2 , pi 3 chaines ....
que t éto émerveillé quand té raviso "la maison de toutou", "le manège enchanté" ou "bonne nuit les petits" ......
quand que té parlo du "tourne disque".....
du cadeau de Noel qui t avo vraimint fait plaiji , un tout tchiot transistor de marque Optalix , le modèle TO102 de 1971......
de l arrivée du frigidaire qui avo rimplaché le garde manger qui yavo dans la cave ......
du premier "salon canapé trois pieces, modèle Simone , tout en skai noir" ........
du 110 volts qui a fallu canger toutes ché lampes del mason ......
des cabinets qui étotent à l extérieur dins l' cour ....
des buées que maman ale faijo , que cha commincho le dimanche soir à cauffer pour es' terminer le mardi par le repassache ...
du fameux fourneau qui fallo alimenter en carbon....
d' la premiere fois qu in a mingé des avocats que m'mère comme i zétotent durs as' demindo si fallo pas les cuire .....
du temps que ché ménagères faijotent ché courses tous les jurs, dins ché différents magasins d' détal ...
de l arrivée du premier supermarché .........
de l arrivée de la montre à quartz, savez avec ché chiffres rouges ....
de la premiere calculatrice portape, bien épaisse , quatre opérations, qui couto la moitié d un salaire d' l époque....
de l arrivée tardive du combiné de téléphone fin des années 70 al mason...........
d' la rintrée du carbon à la pelle par ch' soupiral ....
de l école primaire qui éto pas mixte ..........
quand que té vo l air étonné, presque soupçonneux des tchiots zéfants quand que té leur raconte cha ......
qui s' deminte si ch'est pas du lard ou du cochon, tel'mint cha parait pas possipe .......
du regard suffisant aussi qui t' lancent quequ'fo , un regard qui veut bin dire" bin papou té viu ", teut' dit qu eune page as' tourne ..
oh bin sur té peux leur dire qu avant l an 2000 et cor meme durant l' décennie qui allo suive, tout l' monte i avo pas internet, et qu in s in servo pas comme asteure pour y commander tout et rien ........
mais pour eux , cha ch'est d un commun ...