Les jardinsch frod cha m rappelle ...
par Marie-Claire le, 22/11/2005A ch' t'époque ed l'année avec chés premières froidures, in a des souv'nirs qui arvienn'nt. Des souv'nirs d'campes gelées quand i féjot frod passque y avot pas d'cauffache à l'étache dins chés corons.
Y avot eune différence d'température terripe quand in passot del cuisine et qu'in s'ingouffrot dins l'escalier, in rintrot dins eune glacière. Y avot bien l'battant du haut del porte d'l'escalier qui s'ouvrot et qu'in ouvrot à l'fin del journée mais pas trop longtemps passequ'in gardot l'caleur in bas
Alors pour faciliter un tiot peu l'difficile momint d'aller s'coucher, y avot chés briques qu'in cauffot dins ch'four et qu'in mettot dins l'lit avant de s'coucher, y avot des bouillottes, y avot des couvertures électriques qui fallot éteinde in s'couchant et j'a aussi eu un tiot radiateur à roulettes avec eune boutelle d'gaz d'dins et chés flammes devant, mais là aussi fallot ete prudent et in l'éteignot in s'couchant ..
Mais tout cha cha n'impéchot pas d'avoir des "fougères" à chés vitres l'matin et l'momint dù qui fallot sortir d'sin lit bien récauffé pour affronter l'frodure à nouveau del campe, momint l'plus difficile intre tous ...
