Les jardinsdevant s' n' école primaire
par minloute le, 30/01/2022J' sus sur que cha a arrivé à grinmint d' s'sartrouver d'vant s' n école primaire bin d' zannées après ....
Drôle d' sentimint mes gins ....
Comme si à la fo in s'artrouvo à l'époque du qu'in porto des maronnes courtes et cha comminche à faire ...
Tout in gardant les pieds su terre et in sachant l'age qu'in a asteure ......
d'un coté, j's'ro pas si surpris d' vire al' farniete de chacune des classes du que j'a été, la silhouette d' ché maites que j'a eu ......
De Monsieur Wacheux à Monsieur Zarzinski , de Monsieur Robitaillé à Monsieur Pruvost , in passant par Monsieur Sergent..
Mais cha dure quo ? quequ' secondes au plus. La dure réalité ale arvient bin vite ........
In fait vite l' calcul, ch' maite là i do avoir asteure pu d' 80 ans et cor j'dis cha, i n a djà que j' sais qui sont pu là ........
Cor quequ' secontes pour raviser l'intérieur d' la cour , d' vire dù qui yavo ché marronniers .........
D'intinte ché cris d' la récréation, ché portes qui claquent dins ché ouatères...
Pi ch' maite qui siffle la fin d' la récré ......
Alors mi aussi j' sais que ch'est l'heure, ....
Celle d' partir ,...
D'ailleurs cha fait 2 coups qui a quéqu'un qui ravisse dins m' direction, en se d'mindant pourquo que j' reste comme cha à l'intrée d' la cour, profitant que ch'grand portal y a resté ouvert pour passer sin nez à l'intérieur ...
Ch' est là , en arpartant qu'in sint le poids des années qui comminche à peser ....
