arrivée gare d Arras

ch' train y a ralenti depuis un tchiot momint, on rinte tout duch'mint dans Arras .....

par ché hauts parleurs nous ariffe la voix lointaine du controleur ......

Arras ici Arras

(ch' controleur i do et' d' no coin j arconno not' accent)

in a l impression qui est à des kilometes, et pourtant jel vo , y est sul' plat'forme juste après min wagon .....

voix lointaine , comme si i nous parlo à travers ché pots d' yaourth avec qui qu in juo quand qu in éto tchiot .....

10 mineutes d arret, correspondance pour Lille en tete de train ......

départ vers St Pol, Montreul , Etaples , quai untel (faudra pas pas et' pressé , ch'est dans plus d eune heure )

nous qu in continue vers Bétheune, faudra et' patient aussi.....

d un coup ché leumieres ale s éteignent, in intind pu rin....

faudra attinte un tchiot choc, chti du détach'mint des wagons d' tiete pour qui ralleument ch' quinquet ..

sul quai qu in vo en contrebas, in vo ché gins qui cachent après ch' numéro du wagon du qui doiffent monter

portes qu ale s' ouvrent, avinchée dins ché zallées, asteure pour cacher ch' bon numéro

là y a bouchon, vu qui n a qui mettent des zheures à monter ché bagaches in hauteur, pi artirer ché mantiaux, les plier, les mette aussi in hauteur et enfin s assire ....

in a toudis pas démarré, et mon diu qu' ch est moche Arras ...

d ailleurs in s y sint pas as' plache, préfecture du départemint, mais ch' est pas l' bassin minier

aussi étrangère pour mi , Arras comme pourro l' et' Amiens ou meme Calais .....

sul' quai, i reste ch' chef de gare.... comme diro l aute vu l' panse qui a , i do pas faire régime

et i do avoir du gras sul' vinte vu qui garte sin veston ouvert et pourtant mes gins i fait pas caud ....

un coup d eule devant, un coup d eule derriere, et ENFIN i porte ch' sifflet as' bouque et ch' train i démarre vers ch' bassin minier...