Les jardinsarrivée à la maison
par minloute le, 20/03/2022là j' déchint aux quat' chemins, àch'carrefour là in peut aller vers Barlin à gauche, Marles à droite et tout droit Bruay ...
la maison à papa et manman ale éto tout in haut del cote , à gauche, d ailleurs in in vo un tchiot bout qui dépasse
j auro pu rester dinch' bus , pi sonner pour l arret suivant, qui s arrete JUSTE IN FACE del mason ...
mais mi j' préfère déchinte avant...
savez , et j espère que zavez connu cha, ch'est comme quand qu in a un premier vrai rendez vous amoureux avec quéqu un ......
in s'précipite pas, j'diro meme qu on traine un peu, tout cha pour profiter au maximum, dec'h' momint là d' excitation et de joie mélées .....
j' monte à pied, avec min sac qui m'scie l épaule mais j' m in fous, cor 2 masons , pi l'temps del dire , m'vlà au coin del rue ...
j' ouvre ch' portillon, m' vlà dins la courette...
y a grinmint d' buée su ché vitres , j' sais c'que cha veut dire ...
j ouvre l' porte del mason et là j' em print d un coup la bonne odeur dech' bouillon, pi la caleur d' ché radiateurs qui tournent à toute blinte ..
Maman ale finisso d' couper ché zéchalottes, qu ale laisse tout querre sul' planche à découpe
ale vient vers mi, et ses premieres paroles chéto " j' t ai fait du bouillon" ...
merci m' man .....
et Maman concluait par" et cha cuit depuis 8h au matin"
voyez pas grand cosse d extraordinaire en fin d' compte , mais quo que j' donnero bin pour arvivre ché momints là ..
hélas ainsi va la vie ...
