ch' zelections partie 1

Nous vlà diminche , pas chti ci mais 53 ans en arrière ...

Diminche espécial, pasque ch'est les zélections ...

Mi du haut d' mes 9 ans j' suis cha de loin , mais j' su sur de chti qui va gagner

In vo grinmint plus de tchiotes zétiquettes , marquées "Poher"
que de "Pompidou"

I n' a d' collées un peu partout (dont eune au dos du panneau stop au coin del maison)......

Jour especial aussi pasque , in plus d y aller toute el semaine, vlà ti pas que j' va arprinte le chemin d' l'école .....

Ch'est là qui a ch' bureau d' vote , chti des "tombelles" , vu que dans l' temps parait qui yavo ichi des tompes d'avant Charlemane......

J'y déchind pas qu'avec manman, nan j' donne la main à min père d'un coté et à m'mère d' l'aute .....

Dins ché rues, i vo sortir d' ché corons l' même genre d' manège.... parints et zinfants qui s' donnent te la main et direction la rue de Denain, pour arjointe l'école Loubet

In s'conno grinmint dins ché corons ..... in s' salue d'eune main, in s' bizouille si in est del même famile ....

Avec Papa, qui fait du syndicat, cha prind toudis du temps pour faire ché 300 metes qui a jusqu'à ch' portail

Suffit qui vo quéqu un qui vo quequ'fo à la permanence , et cha yest , in est arrêté such' trottoir

Bon y arva , cha fait drôle d' rintrer dans la cour d'es' n'école, presque vide ..

Sans zintinte ché cris des zéfants qui jutent jusqu'à quelle cloche ale sonne pour qu'in ale s' mette in rang, d'vant l' porte d' note classe .....

In vote dins ch' batimint d'gauche , à l'étage , classe de Monsieur Robitaillé
Such' palier , attroup'mint such' coté, des gins qui avotent voté et qui discutotent intre eux d' la santé d'untel, du service militaire dech' grand , ......

pi savez asteure "i fréquente" ....... cha deveno du sérieux ..

Nous in s'attardo pas pour savoir avec qui i conto fleurette dins ché voyettes , in s'approcho d' la porte del classe
au fond , ché tapes ont été impilées dans un coin,....

Momint solennel quand qu'in rinte, grand silence , in vo que ch'est du sérieux ....

signes d' tietes, poignées d' mains, papa i connait tout l' monte , mais i respecte la règle , comme diro l'aute , i ouve pas s'gamelle .....