Les jardinsl installation de la crèche
par minloute le, 17/12/2022début des vacances d' la Noel,,,,,,
mi du haut d' mes 8 ans , j' su partagé ,,,
d un coté ch est les vacances et d' l' aute faudra cor attinte eune semaine pour arriver à la Noel ,,,,,
commint m' décrire à l époque ? disons qui "fallo m occuper ,",,,,,,,,,
alors le lundi après midi, j allo aider Manman à installer la crèche ,,,,,,
ch' éto eune vraie préparation, Manman ale avo étalé sul' tape del cuisine des feules d' journal, la voix du nord, tout cha pour protéger la toile cirée ,,,,,,,
ouais pasque Manman ale éto partie au grenier pour y ardéchinte eune espéce d' valise in carton, que d' sus chéto marqué en grand , en diagonale " Marchand Frères" du que d'dins y avo les personnaches d' la crèche ,,,
zavez d' viner , chéto in fait l' carton du qui avo du y avoir un costume acaté ach' magasin situé Rue Nationale à Bruay les berdoules ,,,,,,,
ale faijo attintion en déchindant z'escaliers d' pas querre, vu qu in plus ale avo ses mains occupées par ch' te grand carton rectangulaire ,,,,
grand carton qui li cacho en partie du qu ale devo mette ses pieds à chaque marche, grand carton fragile aussi , vu qui séjourno à l année dinch' grenier ,,,,,,,,
Manman ale éto monté avec un chiffon pour artirer l' maximum d' poussières , mais y en resto cor assez pour que m'mère ale m impeche, eune fo qu ale l' avo posé sul' tape , d ' min approcher ,,,
ch'éto l époque du que in s' méfio de tout c'qui pouvo et' sale ou rimpli d' micropes ,,,,
Manman ale alo querre un aut' chiffon , ale nettoyo alors bin ch' couverque ,,,,,,,
et là la magie allo commincher ,,,,,,
